Ashok Kharat पुणे, ता. 4 : नाशिकमधील कथित भोंदू बाबा अशोक खरात याच्याशी संबंधित मनी लाँडरिंग प्रकरणाचा तपास आता निर्णायक टप्प्यात पोहोचला आहे. या पार्श्वभूमीवर अंमलबजावणी संचालनालयाने (ईडी) माजी राज्य महिला आयोग अध्यक्षा रुपाली चाकणकर यांच्या भगिनी प्रतिभा चाकणकर यांना समन्स बजावले होते. त्यानुसार, त्या आज ईडी कार्यालयात हजर राहून चौकशीला सामोऱ्या गेल्या. Ashok Kharat
अहिल्यानगर जिल्ह्यातील राहाता येथील समता नागरी सहकारी पतसंस्थेत मोठ्या आर्थिक गैरव्यवहाराचा आरोप असून, अशोक खरातने तब्बल 134 हून अधिक प्रॉक्सी (बनावट) खात्यांद्वारे व्यवहार केल्याचे तपासात समोर आले आहे. या संदर्भात प्रतिभा चाकणकर यांच्या नावावर असलेल्या चार खात्यांमधून गेल्या काही वर्षांत सुमारे 2.20 ते 2.40 कोटी रुपयांचे संशयास्पद व्यवहार झाल्याची माहिती ईडीच्या हाती लागली आहे. प्राथमिक तपासात हे व्यवहार खरातशी संबंधित असल्याचा संशय व्यक्त करण्यात आला आहे. Ashok Kharat
प्रतिभा चाकणकर यांनी सुरुवातीला अशोक खरातशी कोणताही संबंध नसल्याचे म्हटले होते. मात्र, सामाजिक कार्यकर्त्या अंजली दमानिया यांनी समोर आणलेल्या माहितीनुसार, 1 एप्रिल 2025 ते 17 मार्च 2026 दरम्यान चाकणकर आणि खरात यांच्यात 236 वेळा संपर्क झाल्याचे समोर आले आहे. त्यात 218 संदेशांचा समावेश असून, त्यांच्या मुलगा तन्मय चाकणकर याचाही खरातशी 37 वेळा संपर्क झाल्याचा दावा करण्यात आला आहे. Ashok Kharat
या प्रकरणात यापूर्वी शिर्डी पोलिसांनी प्रतिभा चाकणकर आणि त्यांच्या मुलाची तब्बल आठ तास चौकशी केली होती. त्यावेळी सर्व आरोप फेटाळण्यात आले होते. मात्र, व्यवहारांची व्याप्ती मोठी असल्याने ईडीने तपासाची सूत्रे हाती घेतली आहेत. आता ईडीसमोर झालेल्या चौकशीत प्रतिभा चाकणकर पैशांच्या स्त्रोताबाबत काय स्पष्टीकरण देतात, तसेच अशोक खरातशी असलेल्या कथित आर्थिक संबंधांवर काय भूमिका मांडतात, याकडे सर्वांचे लक्ष लागले आहे. Ashok Kharat
