Pune News पुणे , ता. 6 : भोर तालुक्यातील नसरापूर येथे चिमुकलीवरील अत्याचाराच्या घटनेने राज्य हादरलेले असतानाच पुणे शहरात आणखी एक धक्कादायक प्रकार समोर आला आहे. पर्वती परिसरात ७० वर्षीय आजोबांनी ९ वर्षाच्या नातीवर लैंगिक अत्याचार करण्याचा प्रयत्न केल्याची धक्कादायक घटना मंगळवारी (ता. 5) उघडकीस आली आहे. या घटनेमुळे पर्वती परिसरातील नागरिकांमध्ये संतापाचे वातावरण निर्माण झाले आहे. Pune News
मिळालेल्या माहितीनुसार, पर्वतीच्या पायथ्याशी रात्रीच्या सुमारास हा प्रकार घडला. संबंधित आरोपीने एकटी असलेल्या मुलीला पाहून तिचे कपडे काढत अत्याचार करण्याचा प्रयत्न केला. मात्र, परिसरातील नागरिकांनी हा प्रकार लक्षात घेत तातडीने हस्तक्षेप केला आणि मुलीची सुटका केली. त्यामुळे मोठा अनर्थ टळला. Pune News
या घटनेची माहिती मिळताच पोलिसांनी तत्काळ घटनास्थळी धाव घेत आरोपीला ताब्यात घेतले. त्याच्यावर पॉक्सो कायद्यांतर्गत गुन्हा दाखल करण्यात आला असून पुढील तपास सुरू आहे. प्राथमिक तपासात आरोपी मद्यधुंद अवस्थेत असल्याची माहिती समोर आली आहे. Pune News
