Katraj News कात्रज, ता. 5 : कात्रज परिसरातील जांभूळवाडी येथे दुपारी एक धक्कादायक आणि अंगावर काटा आणणारी घटना घडली. खेळताना दोन भिंतींच्या अरुंद जागेत अडकलेल्या सात वर्षांच्या मुलाची अग्निशमन दलाच्या तत्परतेमुळे सुखरूप सुटका करण्यात आली. Katraj News
जांभूळवाडी रोडवरील गोविंद बेसिल सोसायटीमध्ये दुपारी सुमारे ३:०९ वाजण्याच्या सुमारास रणवीर चेतन चव्हाण (वय ७) हा मुलगा खेळत असताना दोन भिंतींच्या मधील अत्यंत अरुंद जागेत पडून अडकला. बाहेर पडण्यासाठी प्रयत्न करूनही तो अडकूनच राहिला, त्यामुळे परिसरात एकच खळबळ उडाली. Katraj News
घटनेची माहिती मिळताच कात्रज अग्निशमन केंद्राचे जवान तात्काळ घटनास्थळी दाखल झाले. मुलाची परिस्थिती लक्षात घेऊन जवानांनी अत्यंत काळजीपूर्वक बचावकार्य सुरू केले. हायड्रॉलिक ब्रेकर व घनाच्या साहाय्याने भिंतीचा काही भाग तोडण्यात आला, तसेच बोल्ट कटरने सळ्या कापून मार्ग मोकळा करण्यात आला. Katraj News
प्रभारी उपअग्निशमन अधिकारी संतोष भिलारे यांच्या मार्गदर्शनाखाली फायरमन किरण पाटील, मयूर काटे, प्रशांत कुंभार आणि चालक बंडू गोगावले यांनी जीवाची पर्वा न करता प्रयत्न करत अखेर रणवीरला सुखरूप बाहेर काढले. या थरारक बचावकार्यामुळे उपस्थितांनी सुटकेचा निःश्वास सोडला. Katraj News
अग्निशमन दलाच्या या धाडसी आणि तत्पर कामगिरीचे सर्वत्र कौतुक होत असून, पालकांनी लहान मुलांच्या खेळण्याच्या ठिकाणी विशेष लक्ष देण्याची गरज असल्याचेही यावेळी अधोरेखित करण्यात आले.
