पुणे: चतु:सीमा चुकीची दाखवून (Pimpri Chinchwad Crime) आणि बनावट (Maval News) ताबापावती देत 15 लाख रुपयांची फसवणूक (Land Scam) केल्याचा प्रकार मावळ तालुक्यातील दारूंब्रे गावात उघडकीस आला आहे. या प्रकरणी शिरगाव पोलीस ठाण्यात दोन जणांविरोधात गुन्हा दाखल करण्यात आला असून पोलीस पुढील तपास करत आहेत.
प्रकाश बोधुराम चौधरी वय 41 आणि प्रदीप नत्यु राठोड वय 41, दोघेही सयाजी हॉटेलजवळ, मुंबई-पुणे हायवे परिसरातील रहिवासी असल्याचे आरोपींची नावे आहेत. या प्रकरणात राजन मुरलीधर भालशंकर वय 51, रा. कान्हे काटा, तालुका मावळ, जिल्हा पुणे यांनी शिरगाव पोलीस ठाण्यात गुरुवारी दिनांक 4 रोजी फिर्याद दिली आहे.
पोलिसांनी दिलेल्या माहितीनुसार, फिर्यादी यांनी 19 मार्च 2024 रोजी आरोपींकडून एका जमिनीचा ताबा घेतल्याचे दाखवणारी ताबापावती स्वीकारली होती. मात्र खरेदीखतात नमूद असलेली चतु:सीमा न देता चुकीची सीमा दाखवण्यात आली. तसेच नोटरीवरील साक्षीदारांच्या बनावट स्वाक्षऱ्या असलेली ताबापावती तयार करून संबंधित प्लॉट दुसऱ्याच व्यक्तीस विकण्यात आल्याचे तपासात समोर आले आहे.
या संपूर्ण प्रकारामुळे फिर्यादीची 15 लाख रुपयांची आर्थिक फसवणूक झाली आहे. प्रकरणाचा अधिक तपास शिरगाव पोलीस करत असून, या व्यवहारात आणखी कोणी सहभागी आहे का, याचाही शोध घेतला जात आहे.
