पिंपरी चिंचवड : येथील मोरवाडी चौकात भारतीय सैन्य दलाच्या (Indian Army) वाहनाचा अपघात (Accident) झाला आहे. या अपघातात कोणीही जखमी झालेले नाही. परंतु, यामुळे पुण्याकडून मुंबईच्या दिशेने जाणारी वाहतूक मंदावली आहे.
मिळालेल्या माहितीनुसार, पुण्याहून लोणावळ्याच्या दिशेने दोन आर्मी जवान हे वाहन घेऊन जात होते. त्यावेळी दुचाकीस्वार अचानक समोर आल्याने त्याला वाचविताना गाडीचा अचानक ब्रेक लावला गेला, त्यामुळे भारतीय सैन्य दलाचे वाहन उलटले.
पिंपरी चिंचवड शहर पोलिसांच्या वाहतूक पोलिसांनी क्रेनच्या सहाय्याने वाहन बाजूला केले असून, अग्निशमन दलाकडून रस्त्यावर पसरलेले ऑईल साफ करण्याचे काम सध्या सुरू आहे.
