लहू चव्हाण
पाचगणी : Pachagani- नरवीर तानाजी मालुसरे यांची जन्मभूमी असलेल्या गोडवली (ता.महाबळेश्वर) येथील हनुमान मंदिर ते तपणेश्वर मंदिर रस्त्याची अवस्था अतिशय दयनीय झाली आहे. (Pachagani) गटाराचे पाणी रस्त्यावर साचून दुर्गंधी पसरत असल्याने नागरिकांना खूप त्रास सहन करावा लागत आहे. सदर रस्त्याने पायी चालणेही जिकिरीचे झाले आहे. गेली अनेक वर्षांपासून या रस्त्याची दुरुस्ती करण्यात आली नाही .स्थानिक नागरिकांनी या रस्त्यासंदर्भात निवेदन देऊन या रस्त्याचे डांबरीकरण करण्याची मागणी केली आहे. (Pachagani)
रस्त्याची दुरावस्था झाल्याने नागरिकांना मोठी कसरत
परंतु प्रशासनासह लोकप्रतिनिधीचे याकडे दुर्लक्ष आहे. रस्त्याची दुरावस्था झाल्याने नागरिकांना मोठी कसरत करावी लागत आहे. सध्या या रस्त्यावर जागोजागी मोठ मोठे खड्डे पडले असून रस्त्याची पार दयनीय अवस्था झाली आहे. या परिसरात लहान मुलांची इंग्रजी माध्यमाची शाळा असल्याने या रस्त्यावरुन लहान मुलांना घेऊन पालकांना ये- जा करावी लागत असल्याने तात्काळ या रस्त्याचे डांबरीकरण करण्यात यावे अशी मागणी वाडा परिसरातील नागरिकांनी केली आहे.
गेली तीस वर्षांपासून या रस्त्यावर निधी मंजूर झाला नसून या रस्त्याबाबत ग्रामसभेत पाच वेळा मिटिंग घेऊनही रस्त्याचा प्रश्न मार्गी लागला नाही.सदर रस्त्याची दुरुस्ती ग्रामपंचायत निधीतून करावी अशी मागणी आम्ही वारंवार सरपंच व ग्रामसेवकाकडे केली असल्याचे स्थानिक नागरिकांनी सांगितले.
अधिक बातम्या वाचण्यासाठी येथे क्लिक करा :
Pachagani News : टेबल लॅंन्ड पठारावर वीज कोसळून दोन म्हशींचा दुर्दैवी मृत्यू..!
Satara News : सातारा औद्योगिक न्यायालयाच्या मध्यस्थीने तूर्तास संप मागे : भगवानराव वैराट
