नाशिक: देशभरात गाजलेल्या टीसीएस (TCS) कंपनीतील कथित ‘कॉर्पोरेट जिहाद’ आणि सक्तीच्या धर्मांतर प्रकरणाचा तपास एका निर्णायक वळणावर येऊन ठेपला आहे. या प्रकरणातील मुख्य संशयित निदा खान हिने आपला गुन्हा मान्य केला आहे.
तपासातून मिळालेल्या माहितीनुसार, निदा खानने पीडित तरुणीला कट्टरपंथी विचारसरणीचे व्हिडिओ पाहण्यास भाग पाडले होते. यात वादग्रस्त पाकिस्तानी प्रचारक तारिक जमील आणि फरार झाकीर नाईक यांच्या प्रक्षोभक भाषणांचा समावेश होता. एसआयटीने (SIT) सादर केलेल्या दोषारोपपत्रात, धर्मांतरासाठी तिने केलेले प्रयत्न आणि तिचे पाकिस्तानशी असलेले कथित संबंध स्पष्ट झाले आहेत.
तपासातून मिळालेल्या माहितीनुसार, निदा खानने पीडितेच्या मनात तिच्या धर्माबद्दल शंका निर्माण करून ब्रेनवॉश केला. तसेच पीडितेला “इस्लाम स्वीकारल्यास सर्व समस्या दूर होतील,” असे आमिष दाखवून धर्मांतराचा दबाव टाकला होता.
दानिश शेख या दुसऱ्या आरोपीने लग्नाचे खोटे स्वप्न दाखवून पीडितेचे शारीरिक शोषण केल्याचे दोषारोपपत्रात म्हटले आहे. पीडितेवर बुरखा आणि सलवार-कुर्ता घालण्याची सक्ती केली जात होती. बुरखा कसा परिधान करावा, याचेही तिला विशेष प्रशिक्षण दिले जात होते. या गंभीर प्रकरणाचा तपास पोलीस आता अधिक वेगाने करत आहेत.
