मुंबई, ता. 22 : यशवंतराव चव्हाण मुंबई-पुणे द्रुतगती मार्गावर प्रवास करणाऱ्या वाहनचालकांसाठी महत्त्वाची बातमी आहे. डोंगरगाव आणि कुसगाव दरम्यान बांधण्यात आलेल्या पुलाचे शटरिंग काढणे आणि रंगकाम करण्याचे काम महाराष्ट्र राज्य रस्ते विकास महामंडळाकडून हाती घेण्यात आले आहे. या कामासाठी 23 आणि 24 एप्रिल 2026 असे दोन दिवस दुपारी 12 ते 3 या वेळेत वाहतूक पूर्णपणे बंद ठेवून पर्यायी मार्गाने वळवण्यात येणार आहे.
वाहतुकीचे नियोजन असे असेल:
1) मुंबईकडे जाणारी वाहतूक (23एप्रिल 2026) दुपारी १२ ते ३ वाजेपर्यंत द्रुतगती मार्गावरील वाहतूक पूर्णपणे बंद राहील.
पर्यायी मार्ग : सर्व वाहने किवळे -देहूरोड -तळेगाव मार्गे राष्ट्रीय महामार्ग 48 वरून कुसगाव टोल प्लाझा येथे पुन्हा द्रुतगती मार्गावर वळविण्यात येतील.
2) पुण्याकडे जाणारी वाहतूक (24 एप्रिल 2026)
वेळ दुपारी 12 ते 3 वाजेपर्यंत द्रुतगती मार्गावरील वाहतूक पूर्णपणे बंद राहील.
पर्यायी मार्ग : सर्व वाहने कुसगाव टोल प्लाझा मार्गे राष्ट्रीय महामार्ग 48 वरून देहू रोड – किवळे मार्गे पुण्याकडे वळविण्यात येतील.
मदतीसाठी संपर्क क्रमांक
प्रवासादरम्यान काही तांत्रिक अडचण किंवा मदत हवी असल्यास प्रशासनाने पुढील नियंत्रण कक्षाचे क्रमांक जारी केले आहेत: MSRDC नियंत्रण कक्ष: ९८२२४९८२२४, महामार्ग पोलीस विभाग: ९८३३४९८३३४
