लोणी काळभोर : 16 वर्षाच्या अल्पवयीन मुलीला फूस लावून पळवून नेल्याची धक्कादायक घटना घडली आहे. ही घटना कदमवाकवस्ती (ता. हवेली) परिसरात शनिवारी (ता.19) सायंकाळी सहा वाजण्याच्या सुमारास घडली आहे. लोणी काळभोर पोलीस ठाण्यात एकाच्या विरोधात अपहरणाचा गुन्हा दाखल करण्यात आला आहे.
सौरभ गायकवाड (रा. कदमवाकवस्ती ता हवेली जि. पुणे) असे गुन्हा दाखल करण्यात आलेल्या आरोपीचे नाव आहे. याप्रकरणी अल्पवयीन मुलीच्या वडिलांनी लोणी काळभोर पोलीस ठाण्यात तक्रार दिली आहे.
पोलिसांनी दिलेल्या माहितीनुसार, फिर्यादी हे 40 वर्षीय असून कदमवाकवस्ती परिसरात कुटुंबासोबत राहतात. फिर्यादी हे गाडी चालवून कुटुंबाचा उदरनिर्वाह चालवतात. दरम्यान, शनिवारी सहा वाजण्याच्या सुमारास अल्पवयीन मुलगी ही आईस्क्रीम आणण्यासाठी गेली होती. आइस्किम आणण्याच्या बहाण्याने मुलीला आरोपी सौरभने कशाचे तरी आमिष दाखवून पळवून नेले आहे. अशी फिर्यादी अल्पवयीन मुलीच्या वडिलांनी लोणी काळभोर पोलीस ठाण्यात दिली आहे.
त्यानुसार आरोपी सौरभ गायकवाड यांच्यावर लोणी काळभोर पोलीस ठाण्यात विरोधात भारतीय न्याय संहीता कलम 137 (1) प्रमाणे गुन्हा दाखल करण्यात आला आहे.पुढील तपास लोणी काळभोर पोलीस ठाण्याचे वरिष्ठ पोलीस निरीक्षक राजेंद्र पन्हाळे यांच्या मार्गदर्शनाखाली पोलीस उपनिरीक्षक दिगंबर सोनटक्के करीत आहेत. त्यांची 16 वर्षाची मुलगी ही हांडेवाडी परिसरात पदविकेचे शिक्षण घेत आहे.
