पुणे : आगामी लग्नसराईच्या काळात सोनं खरेदी करू इच्छिणाऱ्या ग्राहकांसाठी महत्वाची माहिती समोर आली आहे.गेल्या आठवड्यातील चढ-उतारानंतर, या आठवड्यातही सराफा बाजारात सोन्याच्या किमतीत सातत्याने वाढ होत आहे. आज सलग तिसऱ्या दिवशी सोन्याचे दर वाढले असून ग्राहकांच्या खिशावर याचा मोठा भार पडणार आहे.
आजचे सोन्याचे ताजे दर (प्रति ग्रॅम आणि प्रति तोळा):
24 कॅरेट (शुद्ध सोनं): प्रति ग्रॅम ₹15,235 ( ₹109 ची वाढ). तर प्रति तोळा (10 ग्रॅम) भाव ₹1,52,350 झाला आहे, ज्यामध्ये आज ₹1,090 ची वाढ नोंदवली गेली.
22 कॅरेट (दागिन्यांचे सोनं): प्रति ग्रॅम ₹13,965 ( ₹100 ची वाढ). प्रति तोळा भाव ₹1,000 ने वाढून ₹1,39,650 वर पोहोचला आहे.
18 कॅरेट: प्रति ग्रॅम ₹11,426 ( ₹82 ची वाढ). प्रति तोळा भाव ₹820 ने वाढून ₹1,14,260 झाला आहे.
मुंबई आणि पुण्यासह महाराष्ट्रातील सर्व प्रमुख शहरांमध्ये आज 24 कॅरेट सोन्याचा भाव ₹15,235 प्रति ग्रॅम, 22 कॅरेटसाठी ₹13,965 प्रति ग्रॅम आणि 18 कॅरेटसाठी ₹11,426 प्रति ग्रॅम इतका झाला आहे.
सोन्याच्या किमतीत अचानक झालेल्या या तेजीमागे जागतिक आणि स्थानिक पातळीवरील घडामोडी कारणीभूत आहेत. आंतरराष्ट्रीय स्तरावरील राजकीय अस्थिरता आणि युद्धाचे ढग यामुळे अनेक मोठे गुंतवणूकदार सोन्याला गुंतवणुकीचा सुरक्षित पर्याय मानत आहेत. त्यामुळे जागतिक बाजारात सोन्याची मागणी झपाट्याने वाढली आहे.
भारतात स्थानिक पातळीवर सणांचा काळ आणि लग्नसराईमुळे सोन्याला मोठी मागणी निर्माण झाली आहे. या दोन्ही घटकांमुळे देशांतर्गत बाजारात सोन्याच्या दराने उच्चांक गाठला आहे.
