Maharashtra Olympic Association : पुणे, : महाराष्ट्र ऑलिंपिक असोसिएशनच्या (MOA) अध्यक्षपदी अखेर केंद्रीय नागरी विमान वाहतूक राज्यमंत्री मुरलीधर मोहोळ यांची बिनविरोध निवड करण्यात आली आहे. पुण्याच्या बालेवाडी येथील शिवछत्रपती क्रीडा संकुलात पार पडलेल्या असोसिएशनच्या सर्वसाधारण सभेत हा महत्त्वपूर्ण निर्णय घेण्यात आला. अजित पवार यांच्या निधनानंतर हे पद काही काळ रिक्त होते. Maharashtra Olympic Association
गेल्या वर्षी महाराष्ट्र ऑलिंपिक असोसिएशनच्या निवडणुकांमध्ये मोठे राजकीय नाट्य पाहायला मिळाले होते. त्यावेळी अध्यक्षपदासाठी अजित पवार यांच्या विरोधात मुरलीधर मोहोळ यांनी उमेदवारी जाहीर केली होती. मात्र, दोन्ही नेत्यांमध्ये तडजोड होऊन अजित पवार यांची अध्यक्षपदी, तर मुरलीधर मोहोळ यांची उपाध्यक्षपदी निवड झाली होती. आता अजित पवारांच्या निधनानंतर ही रिक्त जागा मोहोळ यांनी भरून काढली आहे. Maharashtra Olympic Association
अजित पवार यांच्यानंतर त्यांच्या पत्नी सुनेत्रा पवार यांचे नाव अध्यक्षपदासाठी चर्चेत होते. त्या नुकत्याच खो-खो असोसिएशनच्या माध्यमातून सदस्य झाल्या असल्याने त्यांच्या निवडीबाबत तर्कवितर्क लावले जात होते. मात्र, अखेर मुरलीधर मोहोळ यांच्या नावावर एकमत झाल्याने त्यांची निवड निश्चित झाली. Maharashtra Olympic Association
दरम्यान, मुरलीधर मोहोळ स्वतः कुस्तीगीर आणि क्रीडाप्रेमी असल्याने त्यांच्या निवडीमुळे राज्यातील क्रीडा क्षेत्राला नवी गती मिळेल, अशी अपेक्षा व्यक्त केली जात आहे. महाराष्ट्रातील खेळाडूंना ऑलिंपिक स्तरावर संधी मिळवून देण्यासाठी संघटना आता अधिक जोमाने काम करेल, असा विश्वास क्रीडा वर्तुळातून व्यक्त होत आहे. Maharashtra Olympic Association
