Lonikand News : तुळापूरमध्ये कोर्टाचा निकाल बाजूने लागूनही ताबा मिळवण्यासाठी बळजबरी ; 10 -12 जणांच्या टोळीकडून शेतातील झाडे तोडून पाईपलाईनचे केले नुकसान..

Lonikand News : लोणीकंद (पुणे) : कोर्टाचा निकाल बाजूने लागलेला असतानाही, बळजबरीने जमिनीचा ताबा मिळवण्यासाठी शेतकरी कुटुंबाला धमकावून त्यांच्या शेतात घुसखोरी केल्याची धक्कादायक प्रकार तुळापुर (ता. हवेली) हद्दीत उघडकीस आली आहे. तसेच 10 ते 12 साथीदारांनी महिलांना शिवीगाळ करत शेतातील पिकांचे मोठे नुकसान केले आहे. Lonikand News

अनिता सिताराम शिवले, (वय 42, व्यवसाय शेती, रा. शिवले वस्ती, मु.पो. तुळापुर. ता. हवेली) यांनी लोणीकंद पोलीस ठाण्यात फिर्याद दिली आहे. त्यानुसार पोलिसांनी संजय प्रभाकर चव्हाण (रा. तुळापूर, ता. हवेली) व 10 ते 12 अनोळखी पुरुष आणि महिलांवर लोणीकंद पोलीस ठाण्यात गुन्हा दाखल करण्यात आला आहे. Lonikand News

पोलिसांनी दिलेल्या माहितीनुसार, फिर्यादी अनिता शिवले त्यांच्या पतीच्या निधनानंतर त्या स्वतः शेती करून मुलाचा उदरनिर्वाह करतात. 2017 पासून त्यांचा सोमनाथ कदम यांच्यासोबत जमिनीचा कायदेशीर वाद सुरू होता. 2025 मध्ये या जमिनीचा निकाल अनिता शिवले यांच्या बाजूने लागला. मात्र, तुळापूरच्या तलाठ्यांनी कोर्टाच्या निकालानुसार अद्याप सातबारा उताऱ्यावर अनिता यांचे नाव नोंदवले नव्हते. Lonikand News

 

शुक्रवारी (ता. 08) सायंकाळी साडेसहा ते रात्री नऊ वाजण्याच्या सुमारास अनिता शिवले यांच्या सासू आणि जाऊ शेतात काम करत असताना, संजय प्रभाकर चव्हाण हा 10 ते 12 अनोळखी पुरुष आणि महिलांसह शेतात घुसला. तेथे या टोळीने शेतात बेकायदेशीरपणे ‘लष्कर-ए-भीमा’ संस्थेच्या मजकुराचा बोर्ड लावला. अनिता शिवले यांच्या सासूने विचारणा केली असता, “ही जागा आता माझी आहे, तुम्ही बाहेर व्हा,” असे म्हणत आरोपींनी धमकावले. Lonikand News

बाचाबाची वाढल्यानंतर आरोपींसोबत आलेल्या महिलांनी रागाच्या भरात शेतातील पाण्याचे पाईप उपटून फेकून दिले. तसेच शेतात लावलेली नारळाची झाडे आणि टोमॅटोच्या पिकांची तोडफोड करून नुकसान केले. “या जमिनीतून बाहेर व्हा, नाहीतर बघून घेईल,” अशी धमकी देत संजय चव्हाण याने शिवीगाळ केल्याचे फिर्यादीत म्हटले आहे. Lonikand News

दरम्यान, या प्रकरणी अनिता शिवले यांनी पोलिसांत धाव घेऊन कायदेशीर तक्रार दिली आहे. कोर्टाचा निकाल बाजूने असतानाही अशा प्रकारे बळजबरीने घुसखोरी आणि तोडफोड झाल्याने परिसरात तणावाचे वातावरण आहे. पोलीस या प्रकरणाचा पुढील तपास करत असून, बळजबरीने ताबा मिळवण्याचा प्रयत्न करणाऱ्यांवर कडक कारवाईची मागणी शिवले कुटुंबाने केली आहे. Lonikand News