Pune Mocca News पुणे, ता. १० : मोक्का कायद्यासारख्या गंभीर गुन्ह्यात तब्बल आठ महिन्यांपासून फरार असलेल्या आरोपीला पुणे गुन्हे शाखेच्या युनिट-३ पथकाने सोलापूर जिल्ह्यातून शिताफीने अटक केली आहे. स्वतःची ओळख लपवून सांगोला तालुक्यात राहत असलेल्या आरोपीचा दोन दिवस पाठलाग करून पोलिसांनी ही धाडसी कारवाई केली. Pune Mocca News
अटक करण्यात आलेल्या आरोपीचे नाव गुरूदत्त साळवे (वय ४४) असे असून तो निलेश घायवळ टोळीवरील मोक्का गुन्ह्यातील फरार आरोपी असल्याची माहिती पोलिसांनी दिली. पुणे शहर गुन्हे शाखा युनिट-३ कडून ही कारवाई करण्यात आली. मा. अपर पोलीस आयुक्त पंकज देशमुख, पोलीस उपायुक्त विवेक मासाळ आणि सहायक पोलीस आयुक्त शैलेश संखे यांच्या मार्गदर्शनाखाली हे ऑपरेशन पार पडले. Pune Mocca News
कोथरूड पोलीस ठाण्यात दाखल असलेल्या दोन गंभीर गुन्ह्यांमध्ये आरोपी गुरूदत्त साळवे याचा सहभाग असल्याचा आरोप आहे. भारतीय न्याय संहितेतील विविध गंभीर कलमांसह आर्म अॅक्ट आणि मोक्का कायद्यान्वये त्याच्यावर गुन्हे दाखल आहेत. या गुन्ह्यांनंतर तो गेल्या आठ महिन्यांपासून फरार होता. युनिट-३ मधील पोलीस हवालदार संदिप शेळके यांनी तांत्रिक विश्लेषण आणि गुप्त बातमीदारांच्या मदतीने आरोपीचा शोध सुरू ठेवला होता. तपासादरम्यान आरोपी हा सांगोला तालुक्यातील निजामपूर परिसरात बनावट ओळख वापरून राहत असल्याची खात्रीशीर माहिती पोलिसांना मिळाली. त्यानंतर वरिष्ठांच्या आदेशानुसार पोलीस उपनिरीक्षक गणेश फरताडे यांच्या नेतृत्वाखाली विशेष पथक सोलापूरला रवाना करण्यात आले. Pune Mocca News
दोन दिवस पाठलाग; अखेर सापळ्यात अडकला
पथकाने सलग दोन दिवस आरोपीच्या हालचालींवर गुप्तपणे नजर ठेवली. अखेर सांगोला तालुक्यातील निजामपूर गावातून आरोपीला शिताफीने ताब्यात घेण्यात आले. कारवाईनंतर सांगोला पोलीस ठाण्यात कायदेशीर प्रक्रिया पूर्ण करून आरोपीला पुण्यात आणण्यात आले. वैद्यकीय तपासणीनंतर आरोपीला पुढील चौकशीसाठी गुन्हे शाखेकडे सुपूर्द करण्यात आले असून, कोथरूड पोलीस पुढील तपास करत आहेत. गंभीर गुन्ह्यांतील फरार आरोपींविरोधात पुणे गुन्हे शाखेने आक्रमक मोहीम सुरू ठेवली असून, “गुन्हा करून पळून गेले तरी पोलिसांच्या हातातून सुटका नाही,” असा स्पष्ट संदेश या कारवाईतून देण्यात आला आहे. Pune Mocca News
सदरची कामगिरी अपर पोलीस आयुक्त (गुन्हे) पंकज देशमुख, पोलीस उपआयुक्त विवेक मासाळ, सहाय्यक पोलीस आयुक्त शैलेश संख्ये यांच्या मार्गदर्शनाखाली गुन्हे शाखा युनिट ३ चे वरिष्ठ पोलीस निरीक्षक प्रशांत अन्नछत्रे, सहाय्यक पोलीस निरीक्षक ज्ञानेश्वर ढवळे, पोलीस उपनिरीक्षक गणेश फरताडे, सहाय्यक फौजदार पंढरीनाथ शिंदे, मुकुंद तारु, मारूती पारधी, पोलीस हवालदार अमोल काटकर, संदिप शेळके, हनिफ शौकत शेख, पोलीस हवालदार कैलास लिम्हण, अतुल साठे, महेंद्र तुपसौंदर, सहाय्यक फौजदार अर्चना वाघमारे, पोलीस हवालदार अनुष्का जगदाळे, पोलीस अंमलदार पुरुषोत्तम गुन्ला, योगेश झेंडे, तुषार किंद्रे, पोलीस हवालदार विपुन गायकवाड याच्या पथकाने केली आहे. Pune Mocca News
