Loni Kalbhor लोणी काळभोर, ता. 4 : आयुष्याच्या अर्धशतकाचा टप्पा पार करत जुन्या मैत्रीच्या आठवणी पुन्हा जाग्या करण्याचा अनोखा सोहळा लोणी काळभोर येथे रंगला. जयहिंद हायस्कूलच्या सन 1990-91 च्या दहावीच्या वर्गातील माजी विद्यार्थ्यांनी वयाची ‘५०’ वर्षे पूर्ण झाल्याचा आनंद ‘गोल्डन 50’ या विशेष उपक्रमातून उत्साहात साजरा केला. तब्बल तीन दशकांनंतर पुन्हा एकत्र आलेल्या मित्र-मैत्रिणींमध्ये जुन्या आठवणींना उजाळा देताना अनेक भावनिक क्षण अनुभवायला मिळाले. Loni Kalbhor
कदमवाकवस्ती (ता. हवेली) येथील मधुबन कार्यालयात शनिवारी (ता. 2) हा भव्य मेळावा पार पडला. सुरुवातीलाच केक कटिंग करून ‘गोल्डन 50’चा जल्लोष साजरा करण्यात आला. त्यानंतर नृत्य सादरीकरण, मिमिक्री, गायकांचे सादरीकरण, तसेच विविध सांस्कृतिक कार्यक्रमांनी उपस्थितांची मने जिंकली. कार्यक्रमादरम्यान अनेकांनी आपल्या शालेय जीवनातील आठवणी सांगत हशा आणि भावनांचे क्षण निर्माण केले. Loni Kalbhor
या मेळाव्याचे वैशिष्ट्य म्हणजे फक्त मनोरंजनच नव्हे, तर परस्परांतील स्नेह अधिक दृढ करण्यावरही भर देण्यात आला. विविध मनोरंजक खेळ, गप्पा-गोष्टी आणि आठवणींचा खजिना उघडत उपस्थितांनी एकमेकांशी पुन्हा नवे बंध जुळवले. “जुनं ते सोनं” ही उक्ती यावेळी अक्षरशः अनुभवायला मिळाली. Loni Kalbhor
या कार्यक्रमाचे नियोजन सुनीता तिवारी, अमोल दुगाणे, धनंजय आवारे, किशोर आणि अविनाश टिळेकर यांनी अत्यंत नियोजनबद्ध पद्धतीने केले होते. त्यांच्या प्रयत्नांमुळे कार्यक्रम सुरळीत आणि यशस्वीरीत्या पार पडला. या कार्यक्रमाला शिवदास काळभोर, चित्तरंजन गायकवाड, नंदू काळभोर यांच्यासह जयहिंद हायस्कूलचे माजी प्राचार्य स्व. सुळगेकर सर यांचे सुपुत्र सागर सुळगेकर उपस्थित होते. त्यांनीही या उपक्रमाचे कौतुक करत माजी विद्यार्थ्यांच्या एकोप्याचे अभिनंदन केले. Loni Kalbhor
दरम्यान, या संस्मरणीय मेळाव्यामुळे केवळ जुन्या आठवणींना उजाळा मिळाला नाही, तर भविष्यातही अशाच प्रकारे एकत्र येण्याचा निर्धार माजी विद्यार्थ्यांनी व्यक्त केला. लोणी काळभोर परिसरात या अनोख्या ‘गोल्डन 50’ सोहळ्याची जोरदार चर्चा रंगली आहे. Loni Kalbhor
