लोणी काळभोर (पुणे) : कदमवाकवस्ती (ता. हवेली) येथील जनहित सोशल फाउंडेशन व भारतीय जनता पार्टी यांच्या संयुक्त विद्यमाने राष्ट्रपिता महात्मा गांधी व भारताचे दिवंगत पंतप्रधान लालबहादूर शास्त्री यांच्या जयंतीनिमित्त प्रतिमापूजन करण्यात आले.
लोणी काळभोर पोलीस ठाण्याचे पोलीस उपनिरीक्षक वैभव मोरे प्रमुख पाहुणे म्हणून उपस्थित होते. यावेळी साधना सहकारी बँकेचे संचालक सुभाष नरसिंग काळभोर व कदमवाकवस्ती ग्रामपंचायतचे माजी सदस्य ज्ञानेश्वर गणपत काळभोर यांची रिव्हर व्ह्यू सिटी कॉर्पोरेशन च्या संचालकपदी निवड झाल्याबद्दल त्यांचा सत्कार करण्यात आला.
यावेळी पुणे जिल्हा भाजपा सोशल मीडियाचे जिल्हाध्यक्ष जनार्दन दांडगे, जनहित सोशल फाउंडेशनचे अध्यक्ष प्रवीण काळभोर, कदमवाकवस्ती भाजपा शहराध्यक्ष विशाल गुजर, हवेली तालुका भाजपा ओबीसी आघाडीचे अध्यक्ष नितीन टिळेकर, आरपीआयचे नेते, रमेश गायकवाड, युवा नेते प्रीतम काळभोर, बाबा गुजर, राजेंद्र हजगुडे, मिलिंद कवीश्वर गोरख मोरे, जगन्नाथ लांडगे, शिवाजी खांडसोळे आदी मान्यवर उपस्थित होते.
