आदित्य बोराटे
Indapur News : इंदापूर, (पुणे) : इंदापुरात सोसाट्याच्या वादळाने अकलूज नाक्यावरील लोकशाहीर अण्णाभाऊ साठे यांच्या पुतळ्या शेजारील शॉपिंग सेंटरचे पत्रे उडून गेल्याने गाळेधारकांचे व परिसरातील काही वाहनांचेही नुकसान झाले असून या घटनेची माहिती मिळताच आज (दि.६) जून रोजी कृषिमंत्री दत्तात्रय भरणेंनी नुकसानग्रस्त गाळेधारकांची पाहणी केली.
यावेळी बोलताना कृषिमंत्री भरणे म्हणाले की, इंदापूर तालुक्यात व शहरात काही भागात शुक्रवारी (दि.५) जून रोजी रात्री खूप वादळी पाऊस झाला आहे. यामुळे नगरपालिकेच्या गाळ्यांचे पत्रे उडून गेल्यामुळे व्यापाऱ्यांचे खूप मोठे नुकसान झाले असून नगराध्यक्ष भरत शहा तसेच मुख्याधिकारी रमेश ढगे यांना ताबडतोब 24 तासाच्या आत ज्या गाळेधारकांचे नुकसान झाले आहे ते गाळे पूर्ववत करून देण्याच्या सूचना दिल्या.
यावेळी नगराध्यक्ष भरत शहा, तहसीलदार जीवन बनसोडे, कृषी अधिकारी दीपक गरगडे, मुख्याधिकारी रमेश ढगे, तलाठी पोळ,अतिक्रमण विभागाचे ज्ञानेश्वर तिकोंडे, पाणीपुरवठा विभागाच्या रश्मी बारस्कर, नगरसेवक अक्षय सूर्यवंशी, पोपट शिंदे,उमेश मखरे,शकील सय्यद,सागर आरगडे, सामाजिक कार्यकर्ते स्वप्निल राऊत,अजिंक्य जावीर आदी उपस्थित होते.
