विशाल कदम
लोणी काळभोर : मराठा वधू-वर परिचय मेळावा कदमवाकवस्ती (ता. हवेली) येथील मधुबन (लॉन्स) कार्यालयात रविवारी (ता.२०) पार पडला. या परिचय मेळाव्यात असंख्य मराठा वधू-वरांनी आणि पालकांनी सहभाग घेऊन नोंदणी केली.
संत तुकाराम महाराजांचे वंशज, देहू येथील संत तुकाराम महाराज देवस्थान ट्रस्टचे माजी अध्यक्ष व विश्वस्त सुनील महाराज मोरे यांच्या हस्ते या मेळाव्याचे उद्घाटन करण्यात आले. यावेळी राष्ट्रसेवा समूहाचे अध्यक्ष राहुल पोकळे, लोणी काळभोरच्या उपसरपंच भारती काळभोर, माजी उपसरपंच योगेश काळभोर डॉ.दत्तात्रय थोरात, चंदूकाका सराफ अँड सन्स प्रायव्हेट लिमिटेडचे कुमार राठोड, महाडिक, प्रणव थोरात आदी मान्यवर उपस्थित होते.
दरम्यान, या मेळाव्यासाठी शिरूर-हवेलीचे आमदार अशोक पवार आणि हडपसरचे आमदार चेतन तुपे यांनी शुभेच्छा दिल्या. सदर कार्यक्रमाला पुणे येथील चंदूकाका सराफ अँड सन्स प्रायव्हेट लिमिटेड यांचे विशेष सहकार्य मिळाले आहे.
या मेळाव्याला मराठा समाजातील विवाह इच्छुक उपस्थित राहू शकले नाहीत. ते सध्याही या मेळाव्यात सहभागी होऊ शकतात. अधिक माहितीसाठी व नोंदणी करण्यासाठी खालील वेबसाईटला भेट द्या. https://www.loksangam.com व 8858375858 / 8381989696 या मोबाईल क्रमांकावर संपर्क करावा.
