पुणे : गेल्या काही दिवसांपासून सोन्या आणि चांदीच्या दरांनी मोठी मुसंडी मारली आहे. काही दिवसांपासून मौल्यवान धातूंच्या किमतीत चढ-उतार पाहायला मिळत होते. काल किमतींमध्ये काही प्रमाणात घसरण झाली होती, मात्र 11 ऑगस्ट रोजी सोन्या-चांदीच्या दरात वाढ झाली आहे. आज 24 कॅरेट सोन्याच्या दरात प्रति तोळा (10 ग्रॅम) तब्बल 3,160 रुपयांची वाढ झाली आहे.
पुणे शहरात आज 24 कॅरेट सोन्याचा भाव 15,513 रुपये प्रति ग्रॅम आहे. तसेच 22 कॅरेट सोन्यासाठी 14,220 रुपये प्रति ग्रॅम आणि 18 कॅरेट सोन्यासाठी 11,635 रुपये प्रति ग्रॅम असा दर आकारला जात आहे. सणासुदीच्या काळात दागिने खरेदीची तयारी करणाऱ्या ग्राहकांच्या खिशाला या दरवाढीमुळे फटका बसणार आहे.
मुंबईतील 24 कॅरेट सोनं: 1 ग्रॅमसाठी 15,528 रुपये, 8 ग्रॅमसाठी 1,24,224 रुपये आणि 10 ग्रॅमसाठी 1,55,280 रुपये भाव आहे.
22 कॅरेट सोनं: 1 ग्रॅमचा दर 14,235 रुपये, 8 ग्रॅमचा दर 1,13,880 रुपये, तर 10 ग्रॅमची किंमत 1,42,350 रुपये झाली आहे. 18 कॅरेट सोनं: 1 ग्रॅमसाठी 11,650 रुपये, 8 ग्रॅमसाठी 93,200 रुपये आणि 10 ग्रॅमचा दर 1,16,500 रुपये नोंदवला गेला आहे.
याचसोबत चांदीच्या भावातही प्रचंड वाढ झाली असून, 1 किलो चांदीची किंमत 10,000 रुपयांनी वधारली आहे. तर 1 ग्रॅम चांदीचा दर सध्या 255 रुपयांच्या घरात पोहोचला आहे. जागतिक बाजारपेठेतील घडामोडी आणि वाढत्या मागणीमुळे येत्या काळातही सोन्या-चांदीच्या किमतीत असाच चढ-उतार कायम राहण्याची शक्यता तज्ज्ञांकडून व्यक्त केली जात आहे.
