कासगंज : उत्तर प्रदेशातील कासगंज (Crime News) जिल्ह्यात (Kasganj District) घडलेली एक धक्कादायक घटना सध्या चर्चेत आहे. मानवी मूल्यांना काळीमा फासणाऱ्या या प्रकरणात, एका व्यक्तीने आपल्या सासूसोबत (Mother-in-law) अनैतिक संबंध (Illicit Relationship) ठेवले आणि पत्नीने विरोध केला म्हणून तिचा निर्घृणपणे खून (Brutal Murder) केला. या घटनेमुळे संपूर्ण परिसर हादरला असून नागरिकांत संताप व्यक्त होत आहे.
नेमकं काय घडलं?
सिद्धपुरा पोलीस ठाण्याच्या हद्दीतील नागला पारसी या गावात 20 वर्षीय विवाहित शिवानीचा मृतदेह तिच्या घरासमोर आढळला. शिवानीच्या वडिलांनी, नारायण सिंह यांनी, जावई प्रमोद आणि स्वतःच्या पत्नी प्रेमवती (शिवानीची आई) यांच्यावर गंभीर आरोप केले आहेत. त्यांच्या म्हणण्यानुसार, प्रमोद आणि प्रेमवती यांच्यात गेल्या काही वर्षांपासून विवाहबाह्य प्रेमसंबंध (Extramarital Affair) सुरू होते.
अनैतिक संबंधांचा उलगडा
शिवानीच्या कुटुंबीयांना या दोघांच्या फोनवरील संभाषणावरून संशय आला. त्यानंतर एकदा त्यांना रंगेहात पकडण्यात आले होते. त्यानंतरही या दोघांचे अनैतिक संबंध होते. या कारणामुळे शिवानीचा मानसिक छळ (Harassment) वाढला होता आणि कौटुंबिक तणाव तीव्र झाला होता.
दोन लहान मुलांचा संसार उद्ध्वस्त
शिवानीच्या मृत्यूनंतर तिची 2.5 वर्षे आणि 6 महिन्यांची अशी दोन लहान मुले पूर्णपणे पोरकी झाली आहेत. प्रमोद आणि त्याचे कुटुंबीय गावातून फरार (Absconded) झाले असून, या प्रकरणाशी संबंधित काही फोटो सोशल मीडियावर (Social Media) व्हायरल झाले आहेत.
7 ऑक्टोबरच्या रात्री पोलिसांना ही माहिती मिळताच ते घटनास्थळी दाखल झाले. शिवानीचा मृतदेह पोस्टमॉर्टमसाठी पाठवण्यात आला. प्रमोद आणि त्याच्या कुटुंबीयांविरुद्ध खुनाचा गुन्हा (Murder Case) दाखल करण्यात आला आहे. आरोपींचा शोध सुरु असून पोलिस या प्रकरणाचा अधिक तपास करत आहेत.
