लोणी काळभोर, (पुणे) : लोणी काळभोर परिसरातील ‘गोल्डन सिएरा स्कूल’मधील इयत्ता पहिलीचा अवघ्या 6 वर्षांचा विद्यार्थी निवेश जाधव याने प्रथम सत्राच्या परीक्षेत चक्क डोळ्यांवर पट्टी बांधून सर्व विषयांची परीक्षा अवघ्या काही मिनिटांत यशस्वीरीत्या पूर्ण केली. आपल्या विलक्षण एकाग्रता, अफाट स्मरणशक्ती आणि उच्च मानसिक क्षमतेच्या जोरावर ही अचंबित करणारी कामगिरी केली आहे.
विशेष म्हणजे, गणिताची 20 गुणांची कठीण प्रश्नपत्रिका त्याने अवघ्या 3 मिनिटांत सोडवून 20 पैकी 20 गुण मिळवण्याचा पराक्रम केला आहे. त्याच्या या अनोख्या बौद्धिक क्षमतेचे सर्व स्तरांतून कौतुक होत आहे. ही कामगिरी NiBM (National Institute of Brain Master) आणि ‘गोल्डन सिएरा स्कूल’ यांच्या संयुक्त विद्यमाने विद्यार्थ्यांमध्ये बौद्धिक विकास, उच्च एकाग्रता, फोकस, स्मरणशक्ती व अचूकता वाढवण्यासाठी राबवण्यात येणाऱ्या विशेष ब्रेन डेव्हलपमेंट प्रशिक्षणाचा भाग असल्याचे संस्थेकडून सांगण्यात आले.
या उपक्रमामागे NiBM चे संचालक नवनाथ हंबीर व त्यांच्या टीमचे विशेष मार्गदर्शन लाभले आहे. मुलांमधील सुप्त गुण आणि मेंदूची कार्यक्षमता वाढवण्यासाठी त्यांनी घेतलेल्या अथक परिश्रमांमुळे अनेक विद्यार्थ्यांनी प्रगती साधली असून, लहानग्या निवेशची ही कामगिरी त्याचे जिवंत उदाहरण मानले जात आहे.
सध्या 6 वर्षांचा निवेश आपल्या विकसित मानसिक क्षमता, एकाग्रता आणि ‘ब्रेन पॉवर’च्या साहाय्याने विविध बौद्धिक प्रात्यक्षिके सादर करत असून, इतर लहान मुलांसाठी तो प्रेरणास्थान ठरत आहे. निवेशच्या या दैदिप्यमान यशाबद्दल त्याचे पालक, ‘गोल्डन सिएरा स्कूल’चे संचालक चंद सर, शिक्षकवृंद, तसेच ‘NiBM’चे संचालक नवनाथ हंबीर आणि त्यांच्या संपूर्ण टीमचे शैक्षणिक व सामाजिक क्षेत्रातून विशेष अभिनंदन केले जात आहे.
दरम्यान, यासाठी NiBM (National Institute of Brain Master) च्या लोणी काळभोर, उरुळी कांचन किंवा शेवाळवाडी शाखेला भेट द्यावे असे NiBM चे संचालक नवनाथ हंबीर यांनी सांगितले. तसेच 9009008057 या नंबरवरती संपर्क साधण्याचे आवाहन करण्यात आले आहे.
