लहू चव्हाण
पाचगणी : बावधन (ता.वाई) येथील संतोष राजेभोसले यांनी एलआयसी मध्ये उत्कृष्ट कामगिरी केल्याबद्दल आझादी का अमृत महोत्सव वर्षानिमित्त एलआयसी डायमंड ट्रॉफी देऊन गौरविण्यात आले. यावेळी एलआयसी चे एसडीएम चंद्रशेखर राव मार्केटिंग मॅनेजर अजय सपाटे, डेपोडी मॅनेजर महेंद्र कुमार तडवलकर, सेल्स मॅनेजर दिवे आदी मान्यवर उपस्थित होते.
संतोष राजेभोसले हे एलआयसीचे अधिकृत विमा प्रतिनिधी आहेत. राजेभोसले यांनी विकास अधिकारी सिद्धार्थ पाटील यांच्या मार्गदर्शनाखाली गेली १५ वर्ष अविरत, प्रामाणिक, सातत्य पुर्ण काम केले आहे. तसेच नागरिकांना एलआयसीच्या नवनवीन योजना देऊन त्या घरोघरी पोहचविण्यासाठी प्रयत्न केला.
राजेभोसले यांच्या सातत्यपुर्ण कामामुळे त्यांना डिव्हिजनल क्लब मेंबर शिप त्याचबरोबर आयुर्विमा क्षेत्रातील सर्वोच्च जागतिक पुरस्कार MDRT 2022 मिळवला आहे.
दरम्यान, भोसले यांनी बावधन गावातील सामाजिक काम, बावधन ग्रामपंचायत सरपंचपदी, विविध सामाजिक कार्य, सरपंच परिषद वाई तालुका पदी उल्लेखनीय काम केले आहे.त्यांच्या कार्याची दाखल घेऊन एलआयसीच्या अधिकाऱ्यांनी MDRT 2022 पुरस्कार व डायमंड ट्रॉफी देऊन सन्मान केला आहे.
