बारामती, ता. 4 : बारामती विधानसभा पोटनिवडणुकीचा निकाल स्पष्ट होताच राजकीय वर्तुळात मोठी खळबळ उडाली आहे. राष्ट्रवादी काँग्रेस (अजित पवार गट)च्या उमेदवार सुनेत्रा अजित पवार यांनी अभूतपूर्व कामगिरी करत विक्रमी मताधिक्याने विजय मिळवला आहे. Baramati election
मतमोजणीच्या २४ व्या फेरीअखेर उपलब्ध झालेल्या आकडेवारीनुसार, सुनेत्रा पवार यांनी तब्बल २ लाख १८ हजार ९३० मतांच्या फरकाने प्रतिस्पर्ध्यांवर मात केली. या विजयाने त्यांनी २०१९ मधील अजित पवार यांच्या मताधिक्याचाही विक्रम मागे टाकला असल्याचे सांगितले जात आहे. देशात सर्वाधिक मताधिक्याने निवडून येण्याचा मानही त्यांच्या नावावर गेल्याचा दावा केला जात आहे. Baramati election
या निवडणुकीत विरोधकांना फारसा प्रतिसाद मिळालेला दिसला नाही. इतर उमेदवारांना हजाराच्या आत मते मिळाल्याचे चित्र असून करूणा मुंडे यांना १२५, तर अभिजित बिचुकले यांना १२१ मते मिळाली. याआधी उत्तर प्रदेशातील साहिबाबाद मतदारसंघातून सुनील कुमार शर्मा यांनी २०२२ मध्ये २ लाख १४ हजार ८३५ मताधिक्याने विजय मिळवला होता. सुनेत्रा पवार यांनी हा विक्रम मोडल्याचा दावा सध्या चर्चेत आहे. Baramati election
दरम्यान, या विजयानंतर पार्थ पवार यांनी माध्यमांशी बोलताना मतदारांचे आभार मानले. “हा आनंदाचा क्षण असला तरी कुठलाही जल्लोष करू नये. आम्ही जनतेसाठी काम करत राहू. आचारसंहिता संपल्यानंतर जनता दरबार घेणार,” असे त्यांनी सांगितले. Baramati election
विजयानंतर सुनेत्रा पवार यांनीही बारामतीकरांचे आभार मानत हा विजय “आदरणीय दादांच्या स्मृतींना समर्पित” असल्याचे म्हटले. तसेच, “हा शेवट नाही, तर नव्या बारामतीच्या उभारणीची सुरुवात आहे,” असा विश्वास त्यांनी व्यक्त केला. संयम राखत जल्लोष टाळण्याचे आवाहनही त्यांनी कार्यकर्त्यांना केले आहे. Baramati election
