Indapur News : इंदापूर, (पुणे) : जुन्या भांडणाच्या रागातून शासकीय ठेकेदारावर तलवार, कोयता आणि लोखंडी गजाने भीषण हल्ला करण्यात आला. या हल्ल्यात ठेकेदार तरुण जखमी झाला असून त्यांच्यावर रुग्णालयात उपचार सुरू आहेत. Indapur News
शनिवारी (ता. 02) रात्री पावणे नऊच्या सुमारास राजवडी ता. इंदापुर गावचे हददीतील राजवडी चौक येथे घडली. याप्रकरणी इंदापूर पोलिसांनी पाच जणांविरुद्ध खुनाचा प्रयत्न आणि बेकायदेशीर शस्त्र बाळगल्याप्रकरणी गुन्हा दाखल केला आहे. Indapur News
रोहित नाना भिसे (वय -25, व्यवसाय – शासकीय ठेकेदार रा. राजवडी ता. इंदापुर) असे मारहाण झालेल्या शासकीय ठेकेदाराचे नाव आहे. तर अभिमन्यु उर्फ आबा मारोती कोकणे, तुषार उर्फ मंटया बापु कोकणे, अक्षय बापु कोकणे (सर्व रा. राजवडी ता. इंदापुर) व दोन अनोळखी इसम असे मारहाण करणाऱ्या आरोपींची नावे आहेत. याप्रकरणी भिसे यांनी इंदापूर पोलीस ठाण्यात फिर्याद दिली आहे. Indapur News
पोलिसांनी दिलेल्या माहितीनुसार, शनिवारी (ता. 02) रात्री पावणे नऊच्या सुमारास रोहित भिसे यांचा भाऊ ऋषीकेश आणि तुषार कोकणे यांच्यात राजवडी चौकातील माऊली किराणा दुकानासमोर भांडण झाले होते. या भांडणाची माहिती मिळताच रोहित भिसे चौकात आले. ते तिथे थांबले असताना ‘कालठन नं. १’ बाजूकडून एका पांढऱ्या रंगाच्या फॉर्च्युनर गाडीतून आरोपी शस्त्रनिशी खाली उतरले. Indapur News
आरोपी अभिमन्यू उर्फ आबा कोकणे याने रोहित यांच्या गळ्यावर कोयता फिरवून जीवे मारण्याचा प्रयत्न केला. रोहित यांनी तो वार चुकवल्याने त्यांचा जीव वाचला, मात्र पळून जात असताना आरोपींनी त्यांच्या डोक्यात कोयत्याने आणि तलवारने गंभीर वार केले. रोहित खाली पडल्यानंतर अक्षय कोकणे आणि इतर दोन अनोळखी इसमांनी त्यांना लोखंडी गजाने हात-पाय, खांदा आणि पाठीवर बेदम मारहाण केली. “तुम्हा दोन्ही भावांना जिवंत सोडणार नाही, संपवून टाकू,” अशी धमकी देत आरोपींनी परिसरात दहशत निर्माण केली. Indapur News
रक्ताच्या थारोळ्यात पडलेल्या रोहित यांना अनिल पुणेकर आणि रितेश पुणेकर यांनी तातडीने मोटारसायकलवरून ‘एका खासगी रुग्णालयात’ उपचारासाठी दाखल केले. सध्या त्यांची प्रकृती चिंताजनक असून त्यांच्यावर उपचार सुरू आहेत. Indapur News
दरम्यान, याप्रकरणी रोहित भिसे यांनी दिलेल्या फिर्यादीवरून इंदापूर पोलिसांनी वरील इसमांविरुद्ध भारतीय न्याय संहिता (BNS) कलम ११८(१), १८९(२), १९१(२), १९१(३), १९० तसेच शस्त्र अधिनियम ४, २५ नुसार गुन्हा दाखल केला आहे. या हल्ल्यामुळे इंदापूर तालुक्यात खळबळ उडाली असून पुढील तपास पोलीस हवालदार मोरे करीत आहेत. Indapur News
