Ahilyanagar Suicide: अहिल्यानगर: अहिल्यानगर जामखेड परिसरात एक धक्कादायक घटना घडली आहे. दिपाली पाटील या नृत्यांगनाने एका लॉजमध्ये आत्महत्या केली आहे. तिने गळफास लावून आयुष्य संपवले आहे. आत्महत्येचे नेमकं कारण अद्याप स्पष्ट झाले नाही. या प्रकरणी पोलीस पुढील कारवाई करत आहे.
हेही वाचा- धक्कादायक..! ५ वर्षांपासून महिलेला मासिक पाळीच नाही, रुग्णालयात गेल्यावर…
मिळालेल्या माहितीनुसार, नृत्यांगना दिपाली पाटील हीनं एका लॉजमध्ये गळफास घेऊन आत्महत्या केली. खर्डा रोडवरील एक लॉजमध्ये ही घटना घडली. दिपाली पाटील जामखेडमधील एका कलाकेंद्रात नृत्यांगना म्हणून काम करत होती. ती सध्या एका मैत्रीणीसोबत तपेश्वर भागात भाड्याने राहत होती. गुरुवारी, दिपालीने मैत्रीणीला “बाजारात जाऊन येते” असे सांगून घरातून बाहेर पडली. मात्र बराच वेळ झाल्यानंतरही ती घरी परतली नाही, त्यामुळे मैत्रीणीची चिंता वाढली.
दिपालीला बाजारात नेणाऱ्या रिक्षाचालकाने तिला खर्डा रोडवरील एका लॉजवर उतरवल्याची माहिती दिली. त्यानंतर मैत्रीण सुमारे 5:30 च्या सुमारास त्या लॉजवर पोहोचली. तिने दिपालीला फोन केला, पण प्रतिसाद मिळाला नाही. दरवाजा ठोठावूनही कोणताच प्रतिसाद न मिळाल्याने वेटरच्या मदतीने डुप्लिकेट चावीने दरवाजा उघडण्यात आला.
दरवाजा उघडल्यानंतर भयान दृश्य दिसले. दिपालीने खोलीतील पंख्याला गळफास घेतल्याचे आढळले. हॉटेल कर्मचाऱ्यांनी तात्काळ पोलिसांना माहिती दिली. पोलिसांनी घटनास्थळी येऊन मृतदेह खाली उतरवला आणि जामखेड ग्रामीण रुग्णालयात शवविच्छेदनासाठी पाठवला.
दिपालीने आत्महत्या का केली, याचे कारण अजूनही अस्पष्ट आहे. मात्र तिची मैत्रीण हर्षदा रवींद्र कामठे हिने दिलेल्या तक्रारीनुसार जामखेड पोलीस ठाण्यात गुन्हा नोंदवण्यात आला असून पुढील तपास सुरू आहे.
