सुरेश घाडगे
परंडा : परंडा न्यायालयातील जेष्ठ विधिज्ञ तथा उस्मानाबाद जिल्हा परिषद माजी उपाध्यक्ष ॲड. दादासाहेब खरसडे यांचा महाराष्ट्र आणि गोवा वकील परिषदेच्या हीरक महोत्सवी (६० वर्षे) वर्षानिमित्त औरंगाबादेत ( दि.२३ ) राज्यस्तरीय वकील परिषदेत गौरव होणार आहे .
महाराष्ट्र आणि गोवा वकील परिषदेच्या हीरक महोत्सवी (६० वर्षे) वर्षानिमित्त औरंगाबादेत राज्यस्तरीय वकील परिषदेचे आयोजन ( दि.२३ ) करण्यात आले आहे.स र्वोच्च न्यायालयाचे न्यायालय स्मरणिकेचे उदघाटन तसेचउच्च न्यायालयात मुख्य न्यायमूर्ती म्हणून नियुक्ती झालेले न्या. संभाजी शिंदे यांचा सत्कारही करण्यात येणार आहे.
औरंगाबाद खंडपीठातील १३ न्यायमूर्ती उपस्थित रहाणार आहेत. माजी कायदामंत्री अहमदपूरचे ॲड. रामचंद्र पाटील यांच्यासह औरंगाबाद खंडपीठाच्या कार्यक्षेत्रातील १२ ज्येष्ठ वकिलांचा या परिषदेत गौरव केला जाणार आहे .यामध्ये परंडा न्यायालयातील जेष्ठ विधिज्ञ तथा उस्मानाबाद जिल्हा परिषद माजी उपाध्यक्ष ॲड. दादासाहेब खरसडे यांचा गौरव होणार आहे .
