अमरावती: अमरावती जिल्ह्यातील परतवाडा शहरातून समोर आलेल्या एका संतापजनक घटनेने संपूर्ण महाराष्ट्राला हादरवून सोडले आहे. प्रेमाच्या जाळ्यात ओढून तरुणींचे आयुष्य उद्ध्वस्त करणाऱ्या एका टोळीचा पोलिसांनी पर्दाफाश केला आहे. या प्रकरणात आतापर्यंत मुख्य सूत्रधार अयान अहमद याच्यासह 6 जणांना बेड्या ठोकण्यात आल्या आहेत.
मुख्य आरोपी अयान अहमद याने ‘प्रेमाचे नाटक’ करून तब्बल 8 तरुणींना आपल्या जाळ्यात ओढले होते. केवळ शारीरिक शोषण करून तो थांबला नाही, तर त्याने या तरुणींचे अश्लील व्हिडिओ आणि फोटो काढून त्यांना ब्लॅकमेल करण्यास सुरुवात केली.
18 अश्लील व्हिडिओ आणि 39 आक्षेपार्ह फोटो पोलिसांच्या हाती लागले आहेत. दोन तरुणींचे थेट व्हिडिओ बनवून त्यांना धमकावले जात होते, तर इतर 6 जणींचे फोटो वापरून त्यांचे मानसिक खच्चीकरण केले जात होते. प्रकरणाचे गांभीर्य आणि स्थानिक रोष पाहता अमरावती पोलीस अधीक्षकांनी कठोर पावले उचलली आहेत.
परतवाडा प्रकरणातील आरोपींची कसून चौकशी सुरू असून, यामागील मास्टरमाईंडला कठोर शिक्षा व्हावी अशी मागणी जोर धरत आहे.
