युनूस तांबोळी
शिरुर – मलठण ( ता.शिरुर ) येथे न्हावरा रावसाहेबदादा पवार घोडगंगा सहकारी साखर कारखान्याच्या वतीने कारखाना सभासदांना साखरेचे वाटप करण्यात आले. यावेळी दीपावलीनिमित्त सभासद व ऊस उत्पादक शेतकऱ्यांना अल्प दरात साखर वाटप करण्यात येत आहे.
कारखान्याचे अध्यक्ष तथा शिरुर हवेलीचे आमदार मा.अँड. अशोकपवार व आंबेगाव शिरुर विधानसभा मतदार संघाचे राष्ट्रवादी काँग्रेस चे अध्यक्ष मानसिंग पाचुंदकर यांनी सदिच्छा भेट दिली. यावेळी माजी चेअरमन नानासाहेब फुलसुंदर, माजी सरपंच सुहास थोरात, अविनाश थोरात, आनंदराव गायकवाड, युवा उद्योजक महेश शेळके, माऊली लांडे यांसह कारखान्याचे सभासद व शेतकरी उपस्थित होते.
यावेळी बोलतानाआमदार अशोक पवार म्हणाले कि, अवेळी व अधिकच्या पावसामुळे शेतीचे आतोनात नूकसान झाले आहे. आशा शेतीचे पंचनामे व्हावेत. त्या बरोबर शेतकऱ्यांची दिवाळी सुखकर जावी. यासाठी गावा गावात शेतकऱ्यांच्या भेटी घेऊन समस्या सोडविणार आहोत.
आंबेगाव शिरूर विधानसभा मतदार संघाचे राष्ट्रवादी काँग्रेस पक्षाचे अध्यक्ष मानसिंग पाचुंदकर म्हणाले कि, शिरूर तालुक्याच्या काहि भागात ढग फुटीमुळी मोठे नूकसान झाले आहे. त्यांना मदतीसाठी गावागावात दौरा आयोजीत करून मदत करणार आहे.
