लोणी काळभोर (पुणे) : लोणी काळभोर (ता. हवेली) येथील विविध विकास सेवा सहकारी संस्थेचे माजी अध्यक्ष सूर्यकांत (आप्पा) दत्तात्रेय काळभोर यांचे ज्येष्ठ चिरंजीव रवींद्र सूर्यकांत काळभोर (वय-४६, रा. बाजार मळा, लोणी काळभोर ता. हवेली) यांचे आज शनिवारी (ता.२२) पहाटे चार वाजण्याच्या सुमारास अल्पशा आजाराने पुण्यात निधन झाले आहे.
रवींद्र काळभोर यांना डेंगी आजार झाल्याने मागील चार दिवसापासून पुण्यातील एका बड्या रुग्णालयात उपचार सुरू होते. उपचारादरम्यान रवींद्र काळभोर यांची आज प्राणज्योत मालवली.
रवींद्र काळभोर हे थेऊर येथील यशवंत सहकारी साखर कारखान्याचे माजी उपाध्यक्ष व हवेलीचे ज्येष्ठ नेते माधव काळभोर यांचे पुतणे असून रवींद्र काळभोर यांच्या पश्चात वडील सूर्यकांत अप्पा काळभोर, भाऊ महिंद्रा, आई, पत्नी व मुलगा असा परिवार आहे
मनमोकळा व मित्रप्रिय असलेल्या रवींद्र काळभोर यांच्या जाण्याने लोणी काळभोर, कदमवाकवस्ती व परिसरात ऐन दिवाळीत दुःखाचा डोंगर पसरला आहे. मोठा परिवार असलेल्या रवींद्र काळभोर यांना सहा दिवसापूर्वी डेंगी झाला होता. त्यांच्यावर मागील चार दिवसापासून पुण्यातील एका बड्या रुग्णालयात उपचार सुरू होते उपचारादरम्यान त्यांचा आज शनिवारी पहाटे चार वाजण्याच्या सुमारास निधन झाले आहे.
दरम्यान, रवींद्र काळभोर यांच्यावर लोणी काळभोर येथील स्मशानभूमीत आज शनिवारी सकाळी १० वाजण्याच्या सुमारास अंत्यसंस्कार होणार आहेत.
