पाचगणी/लहू चव्हाण : भोसरी येथे वरिष्ठ पोलीस निरीक्षक पदावर कार्यरत कवठे (ता. खंडाळा) येथील भास्कर मधुकर जाधव यांना गुन्हे अन्वेषण विभागात सहाय्यक पोलीस आयुक्तपदी पदोन्नती मिळाली आहे.
जाधव यांनी यापूर्वी अर्जुनी मोरगाव (भंडारा), नाशिक, सोलापूर, घोटी, डहाणू पुणे शहर आदी ठिकाणी उपनिरीक्षक, निरीक्षक, वरिष्ठ पोलीस निरीक्षक म्हणून लोकाभिमुख सेवा केली. आदिवासी पाड्यावरील विद्यार्थ्यांना लोकसहभागातून मध्यान्ह भोजनासारखे उपक्रम त्यांनी पालघर जिल्ह्यात राबविले. सोशल पोलिसिंगवर भर असणाऱ्या जाधव यांना पोलीस पदक देऊन गौरविण्यात आले आहे.
कवठे येथील मंदिर जीर्णोद्धार व तरुणांसाठी व्यायाम शाळा सुरू करण्यात त्यांचा पुढाकार होता. पदोन्नतीबद्दल त्यांचे अभिनंदन होत आहे.
