पुणे: आजवर (Work 2026) आपण तंत्रज्ञानाला केवळ कामाचा वेग वाढवणारं साधन मानलं. पण ताजा अहवाल सांगतोय की, आता तंत्रज्ञान केवळ वेग वाढवणार नाही, तर तो तुमची जागा घेऊ शकतो. आगामी काळात जागतिक स्तरावर तब्बल २५% नोकऱ्या ऑटोमेशनच्या कक्षेत येणार आहेत. हा केवळ बदल नाही, तर एक प्रकारची ‘डिजिटल क्रांती’ आहे जिचा सर्वाधिक फटका सुशिक्षित मध्यमवर्गीयांना बसण्याची शक्यता आहे.
आत्तापर्यंतचे तांत्रिक बदल हे शारीरिक कष्टाच्या कामांशी संबंधित होते. पण जनरेटिव्ह AI थेट मानवी बुद्धिमत्तेवर घाला घालत आहे. कामाचा मोठा भाग आता AI सहजपणे आणि मोफत करू शकतं. याचा अर्थ असा की, कंपन्यांना आता ‘डेटा एन्ट्री’ करणाऱ्या १० लोकांपेक्षा ‘एका’ अशा माणसाची गरज असेल जो AI कडून ते काम करून घेऊ शकेल.
कोणत्या क्षेत्रांना सर्वाधिक धोका?
अहवालातील आकडेवारीनुसार, ही चार क्षेत्रे सध्या सर्वात जास्त संवेदनशील आहेत:
-
ज्युनिअर लेव्हलचे कोडिंग आता चॅटबॉट्स अवघ्या काही सेकंदात करत आहेत.
-
तासनतास चालणारं केस रिसर्च आता AI एका क्लिकवर करत आहे.
-
हिशोब तपासणी
-
फाईल्स मॅनेजमेंट आणि शेड्युलिंगसाठी आता मानवी हस्तक्षेपाची गरज कमी होत आहे.
सकारात्मक बाजू
हा अहवाल वाचून घाबरून जाण्याचं कारण नाही, कारण तंत्रज्ञान जेव्हा जुन्या नोकऱ्या संपवतं, तेव्हा ते नवीन संधीही निर्माण करतं. जागतिक उत्पादकता ७ टक्क्यांनी वाढणार असल्याचा अंदाज आहे. याचा फायदा कोणाला होईल? ज्यांच्याकडे ‘एआय स्किल्स’ असतील. भविष्यात “तुम्हाला काय येतं?” यापेक्षा “तुम्ही AI कडून काय करून घेऊ शकता?” याला अधिक महत्त्व असेल.
