मुंबई: तपास आणि गुप्तचर क्षेत्रात करिअर करण्याची इच्छा असलेल्या पोलीस व केंद्रीय दलातील कर्मचाऱ्यांसाठी राष्ट्रीय तपास संस्था (NIA) मध्ये मोठी संधी उपलब्ध झाली आहे. एनआयएने 2026 साठी भरती प्रक्रिया जाहीर केली असून, एकूण 88 पदे डेप्युटेशन पद्धतीने भरली जाणार आहेत. प्रतिष्ठित संस्थेत काम करण्यासोबतच करिअरला नवी दिशा देणारी ही संधी मानली जात आहे.
राष्ट्रीय तपास संस्थेने निरीक्षक, उपनिरीक्षक, सहाय्यक उपनिरीक्षक आणि हेड कॉन्स्टेबल या पदांसाठी भरती जाहीर केली आहे. यासंदर्भातील अधिकृत अधिसूचना एनआयएच्या अधिकृत वेबसाइटवर प्रसिद्ध करण्यात आली आहे.
पदनिहाय रिक्त जागा
निरीक्षक – 38
उपनिरीक्षक – 27
सहाय्यक उपनिरीक्षक – 11
हेड कॉन्स्टेबल – 12
एकूण जागा – 88
महत्त्वाच्या तारखा
अर्ज प्रक्रिया सुरू : 7 जानेवारी 2026
अर्ज करण्याची अंतिम तारीख : 21 फेब्रुवारी 2026
निवड प्रक्रिया : डेप्युटेशन पद्धतीने
वेतनमान:
एनआयएने सर्व पदांसाठी आकर्षक वेतनश्रेणी निश्चित केली आहे.
निरीक्षक : 44,900 ते 1,42,400 रुपये
उपनिरीक्षक (स्तर-6) : 35,400 ते 1,12,400 रुपये
सहाय्यक उपनिरीक्षक (स्तर-5) : 29,200 ते 92,300 रुपये
हेड कॉन्स्टेबल (स्तर-4) : 25,500 ते 81,700 रुपये
पात्रता निकष
ही भरती पोलीस व केंद्रीय सशस्त्र दलातील अनुभवी कर्मचाऱ्यांसाठी आहे.
निरीक्षक:
राज्य किंवा केंद्रशासित प्रदेशात समान पदावर कार्यरत असलेला किंवा लेव्हल- 6 वर किमान 5 वर्षांची सेवा, पदवीधर आणि गुन्हेगारी तपास, गुप्तचर, आयटी किंवा दहशतवादविरोधी कामाचा किमान 2 वर्षांचा अनुभव आवश्यक.
उपनिरीक्षक:
केंद्रीय किंवा राज्य दलात लेव्हल-5 वर किमान 6 वर्षांची सेवा, पदवी आणि तपास किंवा गुप्तचर क्षेत्रातील 2 वर्षांचा अनुभव.
सहाय्यक उपनिरीक्षक:
हेड कॉन्स्टेबल म्हणून लेव्हल-4 वर 5 वर्षांची सेवा, पदवी आणि तपास अनुभव.
हेड कॉन्स्टेबल:
केंद्रीय किंवा राज्य पोलिस दलात कार्यरत, किमान 12 वी उत्तीर्ण.
कमाल वयोमर्यादा 56 वर्षे ठेवण्यात आली आहे.
अर्ज प्रक्रिया
या भरतीसाठी अर्ज प्रक्रिया पूर्णपणे ऑफलाइन आहे. इच्छुक उमेदवारांनी अधिकृत अधिसूचनेतील अर्ज नमुना डाउनलोड करून आवश्यक तपशील भरावा. पूर्ण भरलेला अर्ज संबंधित अधिकाऱ्यांमार्फत स्पीड पोस्टने राष्ट्रीय तपास संस्थेकडे पाठवावा लागणार आहे.
राष्ट्रीय पातळीवर तपास कार्यात सहभागी होण्याची आणि देशाच्या सुरक्षेसाठी योगदान देण्याची ही महत्त्वाची संधी असल्याने पात्र उमेदवारांनी वेळेत अर्ज करण्याचे आवाहन करण्यात आले आहे.
