नवी दिल्ली : तुम्ही देखील नोकरीच्या शोधात असाल तर तुमच्यासाठी ही आनंदाची बातमी असणार आहे. कारण, भारतीय टपाल विभागात मेगा भरती केली जाणार आहे. भारतीय टपाल विभागांतर्गत ग्रामीण डाक सेवक पदांच्या एकूण 44,228 रिक्त जागा भरल्या जाणार आहेत. या भरतीसाठी पदांनुसार पात्र असणाऱ्या उमेदवारांकडून अर्ज मागविण्यात येत आहे.
ग्रामीण भागातील उमेदवारांसाठी भरतीची मोठी संधी असून, उमेदवारांनी लवकरात लवकर अर्ज सादर करायचा आहे. यातील विशेष बाब म्हणजे दहावी पास उमेदवारांनाही यामध्ये संधी मिळू शकणार आहे. इच्छुक उमेदवारांनी आपला अर्ज ऑनलाईन पद्धतीने करायचा आहे. अर्ज करण्याची शेवटची तारीख 5 ऑगस्ट 2024 असणार आहे. भारतीय पोस्ट विभागामध्ये रिक्त असलेल्या ग्रामीण डाक सेवक पदासाठी उमेदवार 10 वी पास असणे आवश्यक आहे.
अशी असेल भरती प्रक्रिया…
– संस्थेचे नाव : भारतीय टपाल विभाग
– रिक्त असलेले पद : ग्रामीण डाक सेवक
– एकूण रिक्त पद संख्या : 44,228 पदे
– अर्ज करण्याची पद्धत : ऑनलाईन
– अर्ज करण्याची शेवटची तारीख : 5 ऑगस्ट 2024
– वयोमर्यादा : 18 ते 40 वर्षे
