पुणे : सरकारी नोकरी मिळावी, यासाठी अनेकांचा प्रयत्न असतो. त्यात काहींना यश मिळते तर काहींना प्रतिक्षाच करावी लागते. पण तुम्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, प्रादेशिक आयुर्वेद संशोधन संस्था नागपूर येथे रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे. या भरती प्रक्रियेंतर्गत ऑफलाईन पद्धतीने अर्ज करता येणार आहे.
प्रादेशिक आयुर्वेद संशोधन संस्था नागपूर येथे सल्लागार (आयु.) या पदासाठी भरती प्रक्रिया सुरु होत आहे. यामध्ये निवड झालेल्या उमेदवाराला गडचिरोली येथे जाऊन नोकरी करावी लागणार आहे. या प्रक्रियेंतर्गत एकूण दोन रिक्त पदे भरली जाणार आहेत. संबंधित उमेदवाराची निवड ही मुलाखतीच्या माध्यमातून केली जाणार आहे. सल्लागार (आयु.) या पदासाठी ही भरती प्रक्रिया राबवली जात आहे.
यामध्ये 17 ऑगस्टला मुलाखत होणार असून, ही मुलाखत प्रादेशिक आयुर्वेद संशोधन संस्था घरकुल परिसारजवळ, एनएलएलटी. कॉम्प्लेक्स, नंदनवन, नागपूर-४४००२४ येथे घेतली जाणार आहे. या भरती प्रक्रियेबाबत अधिक माहितीसाठी http://www.ccras.nic.in/ अधिकृत वेबसाईटवरून माहिती घेता येणार आहे.
