पुणे : तुम्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, अकोला येथील डॉ. पंजाबराव देशमुख कृषी विद्यापीठात नोकरीची संधी उपलब्ध झाली आहे. त्यानुसार, अनेक रिक्त पदांवर भरती केली जात असून, पात्र असणाऱ्या उमेदवारांकडून अर्ज मागविण्यात येत आहे.
डॉ. पंजाबराव देशमुख कृषी विद्यापीठ, अकोला येथे ज्युनियर रिसर्च फेलो या पदासाठी भरती प्रक्रिया सुरु होत आहे. यासाठी मुलाखत घेतली जाणार आहे. यामध्ये निवड झालेल्या उमेदवाराला अकोला येथे जाऊन नोकरी करावी लागणार आहे. या प्रक्रियेंतर्गत एका रिक्त पदावर ही भरती केली जाणार आहे. संबंधित उमेदवाराची निवड ही मुलाखतीच्या माध्यमातून केली जाणार आहे.
सदर मुलाखत ही 17 डिसेंबर 2024 रोजी घेतली जाणार आहे. त्यासाठी जैवतंत्रज्ञान केंद्र, पदव्युत्तर संस्था, कृषी विभाग, वनस्पतिशास्त्र, डॉ. पंजाबराव देशमुख कृषी विद्यापीठ, अकोला (एमएस) – 444104 येथे मुलाखतीसाठी जावे लागणार आहे. यामध्ये निवड झालेल्या उमेदवाराला 31,000 ते 35,000 हजार रुपयांपर्यंत पगारही मिळणार आहे. या भरती प्रक्रियेबाबत अधिक माहितीसाठी https://www.pdkv.ac.in/ अधिकृत वेबसाईटवरून माहिती घेता येणार आहे.
