पुणे : सरकारी नोकरी मिळावी, यासाठी अनेकांचा प्रयत्न असतो. त्यात काहींना यश मिळते तर काहींना प्रतिक्षाच करावी लागते. पण तुम्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, कृषी विज्ञान संकुल, नाशिक येथे रिक्त पदांवर भरती केली जात आहे.
कृषी विज्ञान संकुल, नाशिक येथे सहायक प्राध्यापक, शारीरिक प्रशिक्षण प्रशिक्षक या पदासाठी भरती प्रक्रिया सुरु होत आहे. यामध्ये निवड झालेल्या उमेदवाराला नाशिक येथे जाऊन नोकरी करावी लागणार आहे. या प्रक्रियेंतर्गत एकूण 8 रिक्त पदे भरली जाणार आहेत. संबंधित उमेदवाराची निवड ही मुलाखतीच्या माध्यमातून केली जाणार आहे. सहायक प्राध्यापक, शारीरिक प्रशिक्षण प्रशिक्षक या पदासाठी ही भरती प्रक्रिया राबवली जात आहे. यात 27 सप्टेंबर 2024 ही अर्ज करण्याची शेवटची तारीख असणार आहे.
यामध्ये ऑफलाईन पद्धतीने अर्ज करावा लागणार असून, प्रमुख, कृषी विद्या संकुल, टेक्निकल स्कूल कॅम्पस, समोर. आयकर कार्यालय, मालेगाव कॅम्प, मालेगाव-423 105 येथे अर्ज पाठवावा लागणार आहे. या भरती प्रक्रियेबाबत अधिक माहितीसाठी https://kvskashti.ac.in/ अधिकृत वेबसाईटवरून माहिती घेता येणार आहे.
