पुणे : चांगली नोकरी मिळावी, यासाठी अनेकांचा प्रयत्न असतो. त्यात काहींना यश मिळते तर काहींना प्रतिक्षाच करावी लागते. पण तुम्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, कर्मचारी राज्य विमा महामंडळ येथे अनेक रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे.

कर्मचारी राज्य विमा महामंडळ अर्थात ESIC येथे रेडिओलॉजिस्ट, सर्जन, भूलतज्ज्ञ, दंत शल्यचिकित्सक, त्वचारोगतज्ज्ञ, वैद्यकीय अधिकारी, योग प्रशिक्षक, कंत्राटी भूलतज्ज्ञ या पदांसाठी भरती प्रक्रिया सुरु होत आहे. यासाठी मुलाखत घेतली जाणार आहे. यामध्ये निवड झालेल्या उमेदवाराला मुंबई येथे जाऊन नोकरी करावी लागणार आहे. या प्रक्रियेंतर्गत 23 रिक्त पदे भरली जाणार आहेत.
संबंधित उमेदवाराची निवड ही मुलाखतीच्या माध्यमातून केली जाणार आहे. सदर मुलाखत ही 8 एप्रिल 2025 रोजी घेतली जाणार आहे. वैद्यकीय अधीक्षक यांचे कार्यालय, महाराष्ट्र राज्य कामगार विमा सोसायटी रुग्णालय, गणपत जाधव मार्ग, वरळी, मुंबई-४०००१८ येथे घेतली जाणार आहे. या भरती प्रक्रियेबाबत अधिक माहितीसाठी
https://www.esic.nic.in/ अधिकृत वेबसाईटवरून माहिती घेता येणार आहे.








