मुंबई: बँकिंग क्षेत्रात सरकारी नोकरीचे स्वप्न पाहणाऱ्या तरुणांसाठी एक अत्यंत मोठी आणि महत्त्वाची बातमी आहे. देशातील सर्वात मोठी बँक असलेल्या ‘स्टेट बँक ऑफ इंडिया’ने (SBI) ‘अप्रेंटिस’ (Apprentice) पदांसाठी तब्बल 7,150 जागांची बंपर भरती जाहीर केली आहे. दरम्यान, आजपासूनच अर्जप्रक्रिया सुरू झाली आहे.
स्टेट बँकेने यंदा थेट 7,000 पेक्षा जास्त जागा उपलब्ध करून दिल्या आहे. या भरतीचे सर्वात मोठे वैशिष्ट्य म्हणजे महाराष्ट्रातील उमेदवारांना मराठी भाषा बोलता, लिहिता आणि वाचता येणे अनिवार्य आहे. त्यामुळे प्रादेशिक भाषांवर प्रभुत्व असलेल्या स्थानिक तरुणांसाठी ही सुवर्ण संधी आहे. जर उमेदवाराला स्थानिक भाषा येत नसेल, तर त्याला या प्रक्रियेतून थेट बाद केले जाईल.
पात्रता आणि निवड प्रक्रिया कशी असेल?
उमेदवारांची निवड प्रामुख्याने तीन टप्प्यांत होईल. सर्वात आधी ‘ऑनलाइन लेखी परीक्षा’ घेतली जाईल. या परीक्षेत उत्तीर्ण होणाऱ्यांना ‘लँग्वेज टेस्ट’ द्यावी लागेल आणि शेवटी ‘कागदपत्र पडताळणी’ करून अंतिम निवड केली जाणार असून उमेदवाराचे वय 20 ते 28 मध्ये असावे.
इच्छुक उमेदवार sbi.co.in किंवा sbi.bank.in/web/careers/current-openings या संकेतस्थळाला भेट देऊन अर्ज भरू शकता.
