Makar Sankrat 2026: हिंदू पंचांगानुसार 2026 वर्षाची सुरुवात झाली असून (Things To Avoid On Sankrant) या वर्षातील पहिला महत्त्वाचा सण मकर संक्रांती लवकरच साजरी होणार आहे. येत्या 14 जानेवारी 2026 रोजी मकर संक्रांत साजरी केली जाईल. या दिवशी सूर्य मकर राशीत प्रवेश करतो आणि उत्तरायण सुरू होते. त्यामुळे हा दिवस ऊर्जा बदलाचा मानला जातो. ज्योतिष शास्त्रानुसार या दिवशी काही गोष्टी टाळल्यास जीवनात सकारात्मक परिणाम मिळतात. (Makar Sankrant)
राग, भांडण आणि कटू शब्द
मकर संक्रांतीच्या दिवशी राग, भांडण आणि कटू शब्द टाळावेत. समाजात गोडवा पसरवावा आणि सर्वांशी प्रेमाने वागावे. सूर्यदेव शांती आणि संयमाचे प्रतीक मानले जातात. त्यामुळे राग केल्यास सूर्यदोष वाढतो, अशी मान्यता आहे.
खोटं बोलणं, फसवणूक, कपट
या दिवशी खोटं बोलणं, फसवणूक, कपट किंवा चुकीचे व्यवहार टाळावेत. मकर संक्रांती हा सत्य आणि कर्मशुद्धीचा दिवस मानला जातो. तसेच या दिवशी केस कापणे किंवा नखं कापणे टाळावे, कारण त्यामुळे ऊर्जा कमी होते आणि पुण्यकाळात अपव्यय होतो असे मानले जाते.
द्वेष, ईर्ष्या आणि शिवीगाळ
नकारात्मक विचार, द्वेष, ईर्ष्या आणि शिवीगाळ यापासून दूर राहावे. सूर्य संक्रमणकाळात विचारांचा थेट परिणाम कर्मावर होतो, असे सांगितले जाते. शक्यतो मांसाहार, मद्यपान आणि तंबाखू टाळावा, कारण हा दिवस सात्त्विक मानला जातो.
वृद्धांचा आणि आई-वडिलांचा अपमान
गरिबांचा, वृद्धांचा आणि आई-वडिलांचा अपमान करू नये. सूर्य हा पितृकारक ग्रह असल्यामुळे अपमान केल्यास पितृदोष वाढतो, अशी धारणा आहे. तसेच या दिवशी दान जरूर करावे, विशेषतः तीळ, गूळ आणि वस्त्र दान करणे शुभ मानले जाते.
मकर संक्रांती हा नवीन पिकाच्या आगमनाचा सण आहे. शेतकरी सूर्यदेवाचे आभार मानतात. या दिवशी सूर्यदेवाची पूजा केली जाते. पवित्र नद्यांमध्ये स्नान करणे आणि गरिबांना दान करणे पुण्यकारक मानले जाते. तिळाचे लाडू आणि तिळाचे पदार्थ खाणे शुभ मानले जाते. त्यामुळे मकर संक्रांती हा केवळ सण नसून जीवनात सकारात्मक ऊर्जा आणणारा दिवस मानला जातो.
