मुंबई: भारतात चहा (side effects of milk tea) हा दैनंदिन जीवनाचा अविभाज्य भाग बनला आहे. सकाळची सुरुवात असो वा ऑफिसमधला थकवा, एका कप चहाने मन प्रसन्न होते. मात्र, ताजेतवाने वाटणाऱ्या या पेयाचे आरोग्यावर काही गंभीर दुष्परिणाम असल्याचे एका नव्या संशोधनात स्पष्ट झाले आहे.
संशोधनानुसार, वारंवार चहाचे सेवन केल्याने व्यक्तीच्या स्वभावात बदल, नैराश्य, चिंता आणि मानसिक तणाव वाढू शकतो. दुधाच्या चहामध्ये असणारे साखर, कॅफिन आणि अॅडिटीव्ह्ज मेंदूच्या कार्यावर परिणाम करतात, ज्यामुळे तणावाची पातळी वाढते. विशेषतः तरुणांमध्ये या सवयीचे प्रमाण झपाट्याने वाढत असल्याचे तज्ज्ञांचे निरीक्षण आहे.
तज्ज्ञांच्या म्हणण्यानुसार, चहामुळे झोपेच्या समस्या देखील वाढतात. दुधाचा चहा नियमितपणे घेणाऱ्यांना छातीत जळजळ, अॅसिडिटी आणि झोपेच्या अभावाची तक्रार अधिक जाणवते. सकाळी रिकाम्या पोटी चहा घेतल्यास अॅसिडिटीचा त्रास होण्याची शक्यता वाढते.
याशिवाय, गर्भवती महिलांसाठी चहातील जास्त प्रमाणातील कॅफिन हानिकारक ठरू शकते, कारण त्यामुळे झोपेवर परिणाम होतो आणि तणाव वाढू शकतो.
टीप: सदर माहिती वाचकांसाठी पुरवण्यात येत आहे. ‘पुणे प्राईम न्यूज’ यातुन कोणताही दावा करीत नाही.
