Corona Update नवी दिल्ली : देशभरात पुन्हा एकदा कोरोना विषाणूने डोके वर काढले आहे. गेल्या काही दिवसांपासून कोरोना रुग्णांच्या संख्येत झपाट्याने वाढ होताना दिसून येत आहे. देशात गेल्या २४ तासांत कोरोनाचे ११ हजार ६९२ नवे रुग्ण आढळून आले आहेत. या नवीन रुग्णासोबत आता देशातील कोरोनाCorona Update सक्रिय रुग्णांची संख्या आता ६६ हजार १७० वर गेली आहे. अशी माहिती केंद्रिय आरोग्य विभागाकडून देण्यात आली आहे.
४० जणांना मृत्यू…!
देशात कोरोनाची लागण झाल्यामुळे गुरुवारी ४० जणांना मृत्यू झाला आहे. काल देशभरात कोरोनाचे १२ हजार ५९१ रुग्ण आढळून आले होते. ही दैनंदिन रुग्णसंख्या आठ महिन्यांतील सर्वाधिक आहे. मृत्यूपैकी केरळमधील ११ रुग्णांचा समावेश आहे. तर दिल्लीत ६ जणांचा मृत्यू झाला आहे. तर उत्तर प्रदेश आणि महाराष्ट्रात प्रत्येकी चार मृत्यूंची नोंद झाली आहे.
दरम्यान, मार्चपासून देशात कोरोना रुग्णसंख्येत वाढ झाली आहे. पॉझिटिव्हिटी रेट ५ टक्क्यांच्या वर गेला आहे. त्यामुळे सर्वांच्याच चिंतेत भर पडली आहे.
