Singham 3 : नवी दिल्ली : सिंघम सिनेमाची सिरीज हिट झाल्याचे पहायला मिळत आहे. त्यातच ‘सिंघम 3’ची घोषणा झाल्यापासून प्रेक्षक या सिनेमाची प्रतीक्षा करत आहेत. ‘सिंघम 3’ लवकरच प्रेक्षकांच्या भेटीला येणार आहे. हा सिनेमा रिलीजसाठी सज्ज झाला आहे. या सिनेमातील कलाकारांचे फर्स्ट लूक आऊट करण्यात येत आहेत. आता या सिनेमातील बॉलिवूड अभिनेत्री करीना कपूरचा फर्स्ट लूक आऊट झाला आहे.
करीना कपूर महत्त्वाच्या भूमिकेत
‘सिंघम 3’ या सिनेमात करीना कपूर महत्त्वाच्या भूमिकेत झळकणार आहे. याआधी सिंघम सिनेमात काजल अग्रवाल हिने लीड एक्ट्रेस म्हणून काम केल होत. आता करीना कपूरने या सिनेमातील तिचा फर्स्ट लूक आऊट केला आहे. फर्स्ट लूक चाहत्यांसोबत शेअर करत करीनाने लिहिलं आहे,”सैन्यात सामील होण्याची पुन्हा वेळ आली आहे”.
अवनी बाजीराव सिंघम
रोहित शेट्टीने करीनाचा लूक शेअर करत लिहिलं आहे,”सिंघम’ची खरी ताकद… अवनी बाजीराव सिंघम. असे लिहिले आहे. एकत्र काम करत गोलमाल रिटर्न्स’, ‘गोलमाल 3’, ‘सिंघम रिटर्न’ असे ब्लॉकबस्टर सिनेमे आम्ही दिले आहेत. आता चौथ्या सिनेमासाठी सज्ज आहोत. या 16 वर्षांत काहीही बदललेलं नाही. बेबो त्यावेळी जशी होती साधी, सरळ, प्रेमळ आणि मेहनती तशीच आजही आहे”. ‘सिंघम 3’ या सिनेमाची सिनेप्रेमी आतुरतेने वाट पाहत आहेत.
करीना कपूरच्या पोस्टवर चाहत्यांनी कमेंट्सचा वर्षाव केला आहे. अॅक्शन मोडमध्ये पुन्हा एकदा, आली रे आली अवनी बाजीराव सिंघम आली, आता फक्त सिनेमाची प्रतीक्षा, कमाल पोस्टर, बेबोचं कमबॅक, क्वीन अशा कमेंट्स चाहत्यांनी केल्या आहेत. करीना कपूरचा ‘जाने जान’ हा सिनेमा काही दिवसांपूर्वी प्रेक्षकांच्या भेटीला आला होता. आता करीनाचे ‘सिंघम 3’सह ‘द क्रू’,’वीरे द वेडिंग 2′,’द बकिंघम मर्डर्स’ आणि ‘तख्त’ हे सिनेमे प्रेक्षकांच्या भेटीला येणार आहे.
