Shreyas Talpade New Film : पुणे : अभिनेता श्रेयस तळपदेने काम केलेल्या अनेक मालिका आणि सिनेमे नेहमीच सुपरहिट होतात. याचच एक उदाहरण म्हणजे गेल्या वर्षी रिलीज झालेला पुष्पा सिनेमा. हिंदीमध्ये त्याने अल्लू अर्जूनच्या आवाजासाठी डब केले होते. नुकतीच रीलीज झालेली माझी तुझी रेशीमगाठ या मालिकेतील यश या भूमिकेने तर तो मराठी प्रेक्षकांच्या मनातील ताईतच बनला. आता श्रेयस पुन्हा एकदा नव्या भूमिकेतून प्रेश्रकांच्या भेटीला येत आहे.
प्रेक्षकांच्या भेटीला येतोय श्रेयसचा नवा सिनेमा
दिवाळीच्या मुहूर्तावर श्रेयसने त्याच्या नव्या सिनेमाची घोषणा केली. अजाग्रत असे त्याच्या आगामी सिनेमाचे नाव आहे. हा एक रहस्यमय सिनेमा असेल. या चित्रपटाचे वैशिष्ट्य म्हणजे श्रेयससोबत माजी मुख्यमंत्र्यांची पत्नी, कन्नड अभिनेत्री राधिका कुमारस्वामी प्रमुख भूमिकेत पाहायला मिळेल. शशिधर या सिनेमाचे दिग्दर्शन करणार असून हा त्यांचा पहिलाच बॉलिवूड सिनेमा आहे. या चित्रपटाच्या सेटचे काम सध्या जोरदार सुरु आहे. चित्रपटाचे लोकेशन अगदी नैसर्गिक वाटावे यासाठी जोरदार काम सुरु आहे.
सोशल मीडियावर शेअर केलेली माहिती
अजाग्रत या सिनेमात श्रेयस आणि राधिकासोबत सुनील, राव रमेश, जगपती बाबू, देवराज, अच्युत कुमार, समुद्र कानी, मोहन लाल, आदिथ्य मेनन, साई कुमार यांसारखे अनेक कालाकार पाहायला मिळतील. हा सिनेमा हिंदीसह इतर सात भाषांमध्ये प्रदर्शित होईल. श्रेयसच्या कामाबद्दल बोलायचे झाल्यास पुष्पा सिनेमात अल्लू अर्जूनला आवाज दिल्यानंतर पुष्पा २ मध्ये सुद्धा अल्लू अर्जूनसाठी त्याचाच खणखणीत आवाज ऐकायला मिळेल का याची त्याच्या चाहत्यांना खूप उत्सुकता लागली आहे. तसेच गोलमाल सिनेमातील त्याची भूमिका नेहमीच प्रेक्षकांना खूप आवडते.
