मराठी मालिकेतून घराघरात फेमस झालेली शिवानी सूर्वे अखेर लग्नबंधणात अडकली. मराठी मनोरंजन विश्वात अगदी पहिल्याच देवयांनी मालिकेतून तीने सर्वाच्या मनात जागा निर्माण केली. शिवानीचं आज लग्न झालं. तिच्या लग्नाचे फोटो आता सोशल मीडियावर व्हायरल झाले आहेत. तिच्या जवळच्या खास मित्र मौत्रिणींना लग्नाला हजेरी लावली होती.
शिवानी आणि अजिंक्यची ओळख तू जीवाला गुंतवावे या मालिकेच्या सेटवर झाली होती. त्यांच्या मैत्रीचं रुपांतर पुढे प्रेमात झालं. काही वर्षे एकमेकांना डेट केल्यानंतर त्यांनी लग्नाचा निर्णय घेतला. गेल्या काही दिवसांपासून त्यांच्या लग्नाची चर्चा सुरु होती. त्यानंतर नुकताच शिवानीचा साखरपुडा झाला होता. साखरपुड्याचे व्हिडिओ व्हायरल झाल्यनंतर लवकरच ते लग्न करतील अशी शक्यता व्यक्त करण्यात येत होती. अखेर ती अजिंक्य सोबत विवाहबद्ध झाल्याचे दिसून आले आहे.
आपल्या हटक्या शैलीच्या अभिनयासाठी आणि स्टाईलसाठी ओळखल्या जाणाऱ्या शिवानीचा चाहतावर्ग मोठा आहे. तिला इंस्टावर फॉलो करणाऱ्यांची संख्याही मोठी आहे. शिवानीच्या लग्नाला मराठी मनोरंजन विश्वातील वेगवेगळे सेलिब्रेटी देखील उपस्थित होते. यात अभिनेता कुशल बद्रिकेसोबतचा फोटो सोशल मीडियावर व्हायरल होतो आहे.
