Rashmika Mandanna Vijay Deverakonda Wedding : दाक्षिणात्य चित्रपटसृष्टीतील चर्चित जोडी Rashmika Mandanna आणि Vijay Deverakonda अखेर लग्नबंधनात अडकले आहेत. उदयपूरमधील अरावली भागातील आयटीसी हॉटेल्स “द मोमेंटो” येथे सकाळी 10.10 वाजता हिंदू परंपरेनुसार हा लग्नसोहळा पार पडला. या वेळी दोघांचे कुटुंबीय आणि काही खास पाहुणे उपस्थित होते. वैदिक मंत्र व वाद्यांच्या गजरात विजयने रश्मिकाच्या गळ्यात मंगळसूत्र बांधले.
दुपारी 4.30 वाजता कोडाव परंपरेनुसार दोघं पुन्हा एकदा विवाहबंधनात अडकणार आहेत. विजय आणि रश्मिका यांनी आता पती-पत्नी म्हणून आयुष्याची नवी सुरुवात केली आहे. अद्याप लग्नसोहळ्याचे अधिकृत फोटो समोर आलेले नसले तरी हळद आणि मेहंदी कार्यक्रमाचे काही फोटो दोघांनी स्वतः त्यांच्या इन्स्टा स्टोरीमध्ये शेअर केले आहेत. या लग्नाला त्यांनी “वेडिंग ऑफ VIROSH” हे नाव दिले आहे.
या दोघांनी ‘गीता गोविंदम’ आणि ‘डिअर कॉम्रेड’सारख्या चित्रपटांत एकत्र काम केले आहे. विशेषतः ‘गीता गोविंदम’ हा चित्रपट बॉक्स ऑफिसवर तुफान गाजला होता आणि त्याच शूटिंगदरम्यान या दोघांनी प्रेम विकसित केले. गेल्या काही वर्षांपासून त्यांनी आपली रिलेशनशिप गुपचूप राखली होती आणि लग्नाच्या काही दिवस आधी विजयने सोशल मीडियावर चाहत्यांना आनंदाची बातमी दिली.
वैयक्तिक पार्श्वभूमी पाहता, रश्मिकाचे होणारे सासरे गोवर्धन राव दाक्षिणात्य चित्रपटसृष्टीतील प्रसिद्ध दिग्दर्शक व निर्माता आहेत. विजयच्या वडिलांनी 2021 मध्ये त्याच्यासोबत ‘पुष्पक विमानम’ या चित्रपटाची निर्मिती केली होती. रश्मिकाची होणारी सासू माधवी देवरकोंडा गृहिणी असून सोशल मीडियावर सक्रीय आहेत. विजयला छोटा भाऊ आनंद देवरकोंडा आहे, तर रश्मिकाचा दीर आनंद तेलुगू चित्रपटसृष्टीत स्वतःची ओळख निर्माण करण्यासाठी प्रयत्न करत आहे.
या लग्नसोहळ्यामुळे दाक्षिणात्य चित्रपटसृष्टीत आणि चाहत्यांमध्ये मोठ्या उत्साहाचे वातावरण आहे.
