Randeep Hooda Wedding : मुंबई : अभिनेता रणदीप हुड्डाने त्याच्या लग्नाची अधिकृत घोषणा केली आहे. रणदीप हुड्डा हा बऱ्याच दिवसांपासून अभिनेत्री लिन लैश्रामसोबत रिलेशनशिपमध्ये होता. गेल्या काही दिवसांपासून त्याच्या लग्नाच्या बातम्या येत होत्या. आता त्याला पूर्णविराम मिळाला आहे.
रणदीप आणि लिन लैश्राम यांच्या रणदीप त्यांच्या लग्नाची तारीखही समोर आली आहे. रणदीप आता गर्लफ्रेंड लिन लैश्रामसोबत लग्नगाठ बांधणार आहे. त्यामुळे त्याच्या नव्या आयुष्याला सुरुवात होणार आहे. कधी आणि कुठे लग्न करणार याची सर्वांनाच उत्सुकता होती. आता लग्नपत्रिका पोस्ट केल्याने त्याने ते जगजाहीर केले आहे. ही घोषणा खुद्द रणदीपने सोशल मीडियावर पोस्ट शेयर करत केली आहे.
या पोस्टमध्ये त्याने लग्नाच्या तारखेपासून लग्नाचे ठिकाण आणि रिसेप्शनपर्यंतची माहिती चाहत्यांना सांगितली आहे. कॅप्शनमध्ये त्याने लिहिले आहे की, ‘आमच्याकडे रोमांचक बातमी आहे.’ ‘महाभारतात जसं अर्जुनाने मणिपूरची योद्धा राजकुमारी चित्रांगदासोबत लग्न केले होते. आम्ही देखील तसेच घरच्यांच्या आशीर्वादाने लग्न करणार आहोत. आमचे लग्न 29 नोव्हेंबर रोजी मणिपूरमधील इंफाळ येथे होणार आहे. लग्नानंतर मुंबईत रिसेप्शन होणार आहे. या नव्या प्रवासात आम्हाला तुमच्या प्रेमाची आणि आशीर्वादाची गरज आहे’.
मिडिया रिपोर्टनुसार, रणदीप आणि लिनच्या लग्नाच्या सोहळ्याला तयारी सुरु झाली असून 29 नोव्हेंबर रोजी दुपारी त्यांच्या लग्नाचे विधी सुरू होतील आणि रात्रीपर्यंत चालतील. रणदीप हुड्डा आणि लिन लैश्राम पारंपरिक पद्धतिने लग्न करणार आहे.
रणदीप हुड्डा आणि लिनच्या लग्नात कुटुंबाव्यतिरिक्त फक्त जवळचे मित्र आणि नातेवाईक उपस्थित राहणार आहेत. यानंतर मुंबईत ग्रॅंड वेडिंग रिसेप्शन होणार आहे, लिन लैश्राम रणदीप हुड्डापेक्षा 10 वर्षांनी लहान आहे.लिन ही मणिपूरमधील प्रसिद्ध मॉडेल आणि बिझनेस वूमन आहे. नसीरुद्दीन शाह यांच्या थिएटर ग्रुपचाही ती एक भाग आहे. लिन ही देखील लोकप्रिय अभिनेत्री असून ती अलीकडेच सुजॉय घोषच्या ‘जाने जान’ या चित्रपटात दिसली होती ती याशिवाय ‘ओम शांती ओम’, ‘रंगून’ आणि ‘मेरी कॉम’ या चित्रपटांमध्येही दिसली आहे.
