अयोध्या : अयोध्येत पोहोचल्यानंतर रणबीर-आलिया आणि कतरिना-विकीचे काही फोटो, व्हिडीओ व्हायरल होत आहेत. सध्या त्याचीच जोरदार चर्चा सुरू आहे. राम मंदिरातील प्राणप्रतिष्ठा सोहळा अत्यंत जल्लोषात पार पडला. पंतप्रधान नरेंद्र मोदी, डॉ. मोहन भागवत, मुख्यमंत्री योगी आदित्यनाथ यांच्या प्रमुख उपस्थितीत आणि विविध क्षेत्रातील सेलिब्रिटी, साधुसंतांच्या साक्षीने प्राणप्रतिष्ठा सोहळा पार पडला.
यावेळी बॉलिवूडमधील काही सेलिब्रिटी एकाच विमानातून अयोध्येला पोहोचले. यामध्ये माधूरी दिक्षीत, रणबीर कपूर, आलिया भट्ट, विकी कौशल, कतरिना कैफ, आयुषमान खुराना, रोहित शेट्टी यांसारख्या सेलिब्रिटींचा समावेश होता.
विमानातून अयोध्येला पोहोचल्यानंतर या सर्व सेलिब्रिटींनी फोटोसाठी एकत्र पोझ दिला आहे. या फोटोमध्ये रणबीर-आलिया आणि कतरिना-विकी बाजूबाजूला उभे असल्याचे पहायला मिळत आहे. तर एका व्हिडीओमध्ये हे चौघे जण ई-रिक्षाने मंदिरापर्यंत जाताना दिसत आहेत. या ई-रिक्षामध्ये विकी-कतरिना पुढच्या बाजूला आणि त्यांच्या मागे रणबीर-आलिया बसलेले दिसत आहेत. आणखी एका व्हिडीओमध्ये हे चौघं जण मंदिराकडे चालत जाताना दिसत आहेत. या फोटो आणि व्हिडीओंवर नेटकऱ्यांकडून विविध प्रतिक्रिया येत आहेत.
या ऐतिहासिक सोहळ्यात रणबीर कपूर आणि विकी कौशल सपत्नीक सहभागी झाले, सर्वांच्या नजरा त्यांच्यावरच खिळल्या होत्या. रणबीर आणि कतरिना एकेकाळी एकमेकांना डेट करत होते. त्यामुळे एकाच ठिकाणी, एकाच फ्रेममध्ये या दोघांना पाहून नेटकऱ्यांनी विविध प्रतिक्रिया दिल्या आहेत.
