पुणे : या वर्षातील सर्वाधिक लोकप्रिय भारतीय स्टार्सची यादी प्रसिद्ध करण्यात आली आहे. आज IMDb ने ही यादी जाहीर केली आहे. यादीत RRR चित्रपटाच्या तीनही सेलिब्रिटींचा समावेश आहे, या तिघांनाही टॉप 10 च्या यादीत स्थान मिळाले आहे.
दाक्षिणात्य अभिनेता धनुषने या यादीत पहिला क्रमांक पटकावला आहे, आलिया भट्टने दुसरे स्थान पटकावले आहे. याशिवाय सामंथा रुथ प्रभू, हृतिक रोशन, साऊथ स्टार यश यांसारख्या अनेक सेलिब्रिटींचा या यादीत समावेश आहे.
दुसऱ्या क्रमांकावर आलिया, तिसऱ्या क्रमांकावर ऐश्वर्या राय बच्चन, चौथ्या क्रमांकावर राम चरण तेजा आणि पाचव्या क्रमांकावर सामंथा रुथ प्रभू आहे. याशिवाय सहाव्या क्रमांकावर हृतिक रोशन, सातव्या स्थानावर कियारा आडवाणी, आठव्या स्थानावर ज्युनिअर एनटीआर, नवव्या स्थानावर अल्लू अर्जुन आणि दहाव्या स्थानावर यशचा समावेश आहे.
‘मला 2022 मध्ये या यादीत सहभागी होण्याची संधी मिळाली, याचा मला खूप आनंद झाला आहे. या वर्षात मी अनेक उत्कृष्ट चित्रपटांचा भाग झाले. माझ्या चित्रपटांवर एवढ्या प्रेमाचा वर्षाव केल्याबद्दल मी माझ्या हृदयापासून प्रेक्षकांचे आभार मानू इच्छिते. IMDb ही एक विश्वसनीय साइट आहे जी प्रेक्षकांचे खरे मत देते. मला आशा आहे की यापुढेही मी माझ्या कामाने प्रेक्षकांचे मनोरंजन करू शकेन. सर्वांचे मनापासून आभार.’ असे आलिया हीने म्हटलं आहे.
