मुंबई : ‘हेरा फेरी’ आणि ‘फिर हेरा फेरी’ हे दोन्ही सिनेमे प्रेक्षकांच्या पसंतीस उतरले आहेत. या सिनेमाच्या तिसऱ्या भागाची घोषणा झाल्यापासून प्रेक्षक या सिनेमाची प्रतीक्षा करत आहेत.
या सिनेमातील अक्षय कुमारच्या भूमिकेवर अनेक प्रश्न उपस्थित केले जात असताना सिनेमात कार्तिक आर्यन दिसणार असल्याची चर्चा होती. अशातच ‘हेरा फेरी-3’ या सिनेमात कार्तिक दिसणार असल्याची निर्मात्यांनी माहिती दिली आहे.
गेल्या अनेक दिवसांपासून ‘हेरा फेरी-3’ या सिनेमात बॉलिवूड अभिनेता कार्तिक आर्यन दिसणार असल्याची चर्चा होत होती. अखेर यासंदर्भात परेश रावलने भाष्य केलं आहे.
ट्विटरवर एका चाहत्याने परेशला विचारलं,”कार्तिक आर्यन ‘हेरा फेरी-3’ या सिनेमात दिसेल का? यावर परेश रावतने,”होय.. हे खरं आहे”. असं म्हणत चर्चांना पूर्णविराम दिला आहे.
‘हेरा फेरी-3’ या सिनेमाची चाहत्यांना उत्सुकता आहे. ‘फिर हेरा फेरी’ हा या सिनेमाचा दुसरा भाग 2006 मध्ये रिलीज झाला होता. हेरा फेरी या सिनेमात परेश रावल यांनी बाबू भाई ही भूमिका तर अक्षय कुमारने राजू ही भूमिका साकारली तर सुनील शेट्टीने श्याम ही भूमिका साकारली होती.
हेरा फेरी आणि फिर हेरा फेरी या दोन्ही भागांना प्रेक्षकांची विशेष पसंती मिळाली. सिनेमात जॉनी लिव्हर, बिपाशा बासू, तब्बू या कलाकारांनी देखील प्रमुख भूमिका साकारली होती.
