मुंबई : दाक्षिणात्य अभिनेत्री सामंथा रूथ प्रभू हिचा बहुप्रतीक्षित चित्रपट ‘यशोदा’ प्रदर्शित झाला असून या चित्रपटाने प्रदर्शनापूर्वीच प्रचंड लोकप्रयता मिळविली आहे. या चित्रपटाने प्रदर्शपूर्वीच ५५ कोटींची कमाई केली होती.
सोशल मीडियावर चाहत्यांनी भरपूर सकारात्मक प्रतिक्रिया दिल्याने हा चित्रपट यशस्वी होण्याची चिन्हे दिसत आहेत.हरी-हरीश दिग्दर्शित या चित्रपटात समंथा रुथ सरोगेट मदरच्या भूमिकेत दिसत आहे. या सस्पेन्स अॅक्शन थ्रिलर चित्रपटातील अभिनेत्री समंथाचा हा दमदार अवतार लोकांना आवडला आहे.
थिएटर असो किंवा ट्विटर, सोशल मीडियावर प्रत्येकजण ‘यशोदा’विषयी सकारात्मक प्रतिक्रिया देत आहे. यशोदाच्या माध्यमातून समंथा प्रेक्षकांचे लक्ष वेधून घेण्यात यशस्वी ठरली आहे.
चित्रपटात समंथासोबत उन्नी मुकुंदन, वरलक्ष्मी सरथकुमार, राव रमेश, मुरली शर्मा, संपत राज, राजीव कुमार अनेजा, शत्रु, मधुरिमा, दिव्या श्रीपदा, कल्पिका गणेश महत्त्वाच्या भूमिकेत दिसत आहेत.
समंथा रुथ प्रभू सध्या अमेरिकेत आहेत. तिच्यावर वैद्यकीय उपचार सुरू आहेत. इंस्टाग्राम पोस्टमद्वारे समंथाने तिला मायोसिटिस नावाचा आजार झाला असल्याचे सांगितले होते. हे समजताच तिचा पूर्वाश्रमीचा पती अभिनेता नागा चैतन्य याने देखील तिची विचारपूस केली.
