Film News मुंबई : अरुंधती’ म्हणजेच अभिनेत्री मधुराणी प्रभुलकर हिचा घटस्फोट होत असल्याची चर्चा रंगली होती. अनेकांना हे वृत्त वाचून धक्का देखील बसला होता. मात्र, आता या सगळ्या केवळ अफवा असल्याचे सिद्ध झाले आहे. अभिनेत्री मधुराणी प्रभुलकरचे पती प्रमोद प्रभुलकर यांनी अखेर यावर प्रतिक्रिया देत सगळ्या चर्चांवर पूर्ण विराम दिला आहे.( Film News)
‘आमच्या नात्यात सारं काही छान आणि आनंदी असल्याचं त्यांनी म्हटलं आहे. घटस्फोटाच्या बातम्या निराधार असून, यामुळे आमच्या सुखी वैवाहिक आयुष्यात तणाव निर्माण झाल्याचे देखील त्यांनी म्हटले आहे. प्रमोद प्रभुलकर यांनी म्हटले की, मीडियामध्ये पसरलेल्या सगळ्या बातम्या या केवळ अफवा आहेत. आम्ही आमच्या वैवाहिक आयुष्यात सुखी आणि आनंदी असून, या नकारात्मक बातम्यांमुळे आम्हाला त्रास होतो. विशेषतः आमची मुलगी खूप लहान आहे. तिच्या बालमनावर या सगळ्याचा परिणाम होत आहे. आम्ही घटस्फोट घेत आहे हे वृत्तच मूळात निराधार आहे. आमचं एक छान आनंदी आणि सुखी कुटुंब आहे, असे त्यांनी म्हटले आहे.(Film News)
मीडियाने मर्यादा सांभाळायला हव्यात
प्रमोद प्रभुलकर म्हणाले की, मधुराणीने असं वेगळं काहीच केलेलं नाही. केवळ सोशल मीडियावर फोटो शेअर केले म्हणजेच नाते आनंदी आहे, असे होते का? फोटो नाहीत म्हणजे आमच्या वैवाहिक आयुष्यात समस्या आहेत आणि आमचं नातं तुटणार आहे. असा निष्कर्ष कुणी कसं लावू शकतं? प्रसिद्धी माध्यमांनीही अशा बाबतीत आपल्या मर्यादा सांभाळायला हव्यात. आपल्या देशांत इतर अनेक महत्त्वाच्या घटना घडत आहेत, त्याकडे लक्ष देण्याऐवजी एखाद्याच्या वैयक्तिक आयुष्यातील गोष्टी अशाप्रकारे दाखवणं किती योग्य आहे?, असा सवालही त्यांनी केला.(Film News)
